Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ervin Hoxha kërcënoi opozitën, Balliu: Zëdhënësi i bandave të Durrësit e ka kthyer edhe policinë në bandë

Politiko 18 Tetor 2024, 14:47

Ervin Hoxha kërcënoi opozitën, Balliu: Zëdhënësi i

Koordinatori Rajonal për Tiranën, Klevis Balliu në një deklaratë për mediat ka reaguar pas komenteve që ministri i Brendshëm, Ervin Hoxha, bëri për opozitën.

Balliu tha në një deklaratë nga selia blu se zëdhënësi i bandave të Durrësit, siç e quajti Hoxhën, e ka kthyer edhe policinë në bandë.

Balliu deklaroi se Ervin Hoxha për të disatën herë kërcënon opozitën dhe deputetët e saj, në zellin për t’i shërbyer atij që e mori nga dyert e bandave dhe e vuri në krye të ministrisë së Brendshme.

DEKLARATA:

Zëdhënësi i bandave të Durrësit e ka kthyer edhe policinë në bandë dhe sa herë del në publik e bën sikur jep konferenca shtypi, nuk e ndihmon por e dëmton imazhin e këtij institucioni.

Ervin Hoxha për të disatën herë kërcënon opozitën dhe deputetët e saj, në zellin për t’i shërbyer atij që e mori nga dyert e bandave dhe e vuri në krye të ministrisë së Brendshme. Pasi përcaktoi si ‘lëndë helmuese’ parfumin e deputetes Elda Hoti, ai urdhëroi Forcat e Ndërhyrjes së Shpejtë për të ndërhyrë në mjediset e Kuvendit, një perimetër që nuk i takon, duke shkelur ligjin me të dyja këmbët.

Sot, në vend që të dilte e të kërkonte ndjese publike për dhunën e FNSH kundër deputetëve dhe për shkeljen e ligjit, ai u krekos në konferencë shtypi, me siguri për t’i pëlqyer Edi Ramës dhe bandave që i mbështesin të dy.

Ai e konsideroi si dhunë të deputetëve kërkesën e tyre legjitime për t’u futur në oborrin e Kuvendit, në punën e tyre, në rolin ku i ka zgjedhur populli. Ai harron se deputetët janë të mandatuar nga populli dhe ai është pupac i emëruar i Edi Ramës, që votat e popullit i vjedh sa herë ka zgjedhje. Ai harron se deputetët kanë mandat, edhe kur janë të përjashtuar nga punimet. Ai harron se deputeti është i paprekshëm, dhe çdo nismë kundër tij bëhet vetëm me miratim të Kuvendit.

Në vend që të kërkonte ndjesë dhe të shpallte nisjen e hetimeve, apo marrjen e masave për policin Altin Meço, që i nxori armën deputetëve të opozitës, Ervin Hoxha thotë se deputetët kishin mjete shkatërruese e djegëse. Me dembelizëm mendor ose agjendë partiake, ai ngatërron aktet dhe vendet ku ndodhën këto akte. Me të vetmin qëllim: fshehjen e së vërtetës.

Ervin Hoxha mund të luajë ushtarin e bindur të Ramës, por për çdo shkelje të ligjit, për çdo dhunë në shpërpjestim me aksionin e opozitës do të përgjigjet një më një.
Hoxhës junior i kujtojmë fatin e paraardhësve të tij, të cilët Rama pasi i përdori i hodhi si prezervativë politikë. Të njëjtin zell kundër opozitës tregonte edhe Sandër Lleshaj dhe Rama e flaku sapo nuk iu desh më.

Ministrin e përkohshëm Hoxha e këshillojmë që të vazhdojë ta mbajë mirë me bandat në mënyrë që të paktën të jetë i sigurt se do ta mbrojnë kur të bjerë në burg.
Prokurorisë së Posaçme, SPAK, i bëjmë thirrje të nisë menjëherë hetimet për kërcënimin e hapësirës parlamentare dhe jetës së deputetëve dhe shkeljen e ligjit nga Ministria e Brendshme.