Ditari i Opozitës

"Sulmet ndaj opozitës, nuk fshehin dot paaftësinë e Ministres", PD akuza Manastirliut: Tre të vërtetat që Ogerta s'i tha dot në shfaqen e sforcuar nga Infektivi

"Sulmet ndaj opozitës, nuk fshehin dot paaftësinë e Ministres", PD: Në Sanatorium, të prekurit shtrohen bashkë me të painfektuarit; tre të vërtetat që s'thotë dot Manastirliu!

"Sulmet ndaj opozitës, nuk fshehin dot paaftësinë e
Ekspertja e shëndetësisë pranë PD, Liljana Ramasaçi

Ekspertja e shëndetësisë pranë Partisë Demokratike, Liljana Ramasaçi, ka reaguar pas deklaratës së ministres Manastirliu, e cila nga Infektivi mohoi kolapsin e sistemit shëndetësor, duke shtuar se “ata që dalin e flasin nga foltoret apo dritaret e facebookut, të shohin faktet”.

Përmes një deklarate për mediat, Ramasaçi tha se “sulmet ndaj opozitës që ngre zërin për jetën dhe shëndetin nuk e fshehin dot kaosin e shëndetësisë nga paaftësia e ministrisë".

Sipas ekspertes së PD-së, “askush se mohon dot se në urgjencën e Sanaroriumit janë shtruar të prekurit nga COVID-19 bashkë me të sëmurët e tjerë të painfektuar, çka provon keqmenaxhimin e situatës nga Ministria e Shëndetësisë dhe qeveria” .

Ndër të tjera, Ramasaçi ka renditur tre të vërtetat që, sipas saj, “Manastirliu nuk i tha dot sot gjatë shfaqes së sforcuar nga spitali i Infektivit”.

Deklarata e plotë e Liljana Ramasaçi:

Ministrja e Shëndetësisë Ogerta Manastirliu shfaqi sot gjithë arrogancën e pushtetit, që nuk ka asnjë ndjeshmëri për njerezit e mbushur me halle dhe probleme shendetesore.

Natyrisht, askush nuk pret të vertetën nga një ministre dhe një qeveri që, në vend qe të mundesoj nje shërbim shendetesor cilësor, bëri tendera sekretë për letra higjenike dhe bleu vetëm 5 aparatura respiratre kineze gjate kohes se pandemise.

Por çfarë nuk tha sot Ogerta Manastirliu në atë shfaqje të sforcuar tek spitali infektiv ?

E para që nuk tha është tejmbushja e spitalit infektiv dhe se prej dites se djeshme urgjencat shkojnë te gjitha në spitalin e senatoriumit.

E dyta që nuk tha është se ne spitalin infektiv, skaneri mjeti kryesor i punës, eshte jashtë funksionit.

E treta që Ogerta Manastirliu nuk tha është largimi në drejtim të paditur i drejtorit të senatoriumit ne momentet e situates se emergjences.

Sot, kur qytetarët kanë nevojë të dinë të vërtetën, në mënyrë që të mos përfundojnë si Lutfiu i ndjerë, Ogerta Manastirliu dhe Edi Rama zgjedhin të sulmojnë opozitën që ngre zërin për shqetësimin e qytetarëve.

As Ogerta Manastirliu dhe askush tjetër, nuk mund të mohojnë se mbrëmë, të sëmurë me COVID, nuk janë shtruar tek spitali infektiv, por tek Urgjenca e Senatoriumit, bashkë me pacientë të painfektuar.

Kjo nuk është një shenjë e përgatitjes siç pretendon Ministrja e tenderave sekretë dhe e premtimeve boshe. Shtrimi në urgjencë i të sëmurëve me COVID, do të thotë keqmenaxhim i situatës nga Ministrja e Shëndetësisë dhe qeveria e saj.

Ky kaos ka në bazë paaftësinë e Ministres së Shëndetësisë dhe të Kryeministrit për të menaxhuar situatën. Problemi i tyre jane zgjedhjet dhe, përmes propagandës së pamëshirshme, kanë vënë në lojë jetën dhe shëndetin e qytetarëve.

Gjobat për maskat nuk janë masë që parandalojne virusin apo e kurojne atë.

I bejme thirrje perseri per zbatimin e masave te propozuara nga kreu i opozitës. Nëse jo për të gjitha fushat, të paktën për shëndetësinë!

Jeta dhe shëndeti i qytetarëve vlen më shumë se karrigia e Kryeministrit dhe Ministres së Shëndetësisë!

Ditari politik

Të fundit