Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Çfarë do në të 60-tat?", Kryemadhi i përgjigjet Ramës: Ilir Meta është si "Ferrari", mos e ngatërro me veten! Ti po del në pension

Politiko 10 Tetor 2020, 18:40

"Çfarë do në të 60-tat?", Kryemadhi i

Kryetarja e LSI-së, Monika Kryemadhi, i është përgjigjur kryeministrit Rama pas deklaratave të djeshme në Asamblenë e Partisë Socialiste, ku u shpreh se: "Si njeriu me më shumë poste që nga koha e Skënderbeut, çfarë kërkon më shumë Ilir Meta? Kryeministër në të 30-tat, kryetar Parlamenti në të 40-tat, President në të 50-tat, çfarë kërkon për të 60-tat.”

E ftuar në “Kjo Javë” në News 24 me Isida Tufën, Kryemadhi është shprehur se Rama duhet t’i mbaj për vete komentet pasi është ai që po del në pension, jo Meta. Sipas Kryemadhit, Meta është ende një “Ferrari” nuk është plakur.

Ndërkohë, referuar reagimeve të ashpra të Presidentit, kryetarja e LSI-së tha se kjo ndodh pasi Meta u është borxhli shqiptarëve dhe se këto nuk e ndihmojnë opozitën, por i tregojnë se duhet të jetë më agresive.

“Meta reagimet e tij i ka shumë të buta për çfarë ka ndodhur. Ndoshta kjo nuk e ndihmon opozitën pasi opozita duhet të jetë më agresive. Janë disa gjëra flagrante që opozita i ka kaluar tagent sepse opozita mund të fokusohet tek elemente të tjera, si Këshilli Politik, zgjedhjet e ardhshme... Dhe për këto ka reaguar institucioni i Presidencës.

Ilir Meta karakterizohet nga një problem dhe ky është përgjegjshmëria e tepruar në marrdhënie me papërgjegjshmërinë që i tregohet. Meta reagon sepse ndihet borxhëli ndaj shqiptarëve. Ndihet borxhëli sepse i dha mundësinë Ramës në 2013 të ngjiste shkallët e pushtetit.

E para njëherë, Rama të mos e ngatërroi Ilir Metën me veten e vetë, sepse dëgjova se çfarë tha në Asamble. Ilir Meta nuk është 60-vjeç, është Edi Rama për atë punë që po del në pension.

Ilir Meta është 50 vjeç dhe është “Ferrari” për atë punë dhe Rama të ketë parasysh që nuk e ka njohur Meten. Meta në institucionin e Presidencës është me duart e lidhura. Reagimi i Metës duhet të na bëjë ne si opozitë të reagojmë më shumë sepse ligji për mediat nuk është një konferencë për shtyp nga selitë e PD dhe LSI, por të bëhemi një me gazetarët dhe të kërkojmë të drejtat e tyre”, tha Kryemadhi.

Të fundit