Flash News

Bardhi reagon pas shoqërimit të kandidatit të PD: Nuk intimidohemi nga bandat dhe shkelja brutale e ligjit

Ditari i Opozitës

Fatjon Dauti shkelmoi derën në selinë blu, reagon PD: Akti më i shëmtuar në këto 31 vite

Politiko 21 Dhjetor 2021, 17:30

Fatjon Dauti shkelmoi derën në selinë blu, reagon PD: Akti

Partia Demokratike ka reaguar lidhur me incidentin e ditës së sotme ku Fatjon Dauti, bashkë me disa mbështetës të ish-kryeministrit Sali Berisha kanë hyrë në një nga ambientet e selisë duke goditur me shkelm dyert.

Në një deklaratë për mediat, PD e cilëson këtë si aktin më të shëmtuar në 31 vite ekzistencë të Partisë Demokratike.

“Sjellja nga Sali Berisha në selinë e Partisë Demokratike e bosëve të krimit të organizuar, me në krye Fatjon Dautin, është akti më i shëmtuar që ka ndodhur në këto 31 vite të ekzistencës së PD. Selia e demokratëve nuk mund të sulmohet me trafikantë droge. Kjo parti s’ka asnjë lidhje me trafikantët e drogës, as me bosët e krimit të organizuar. Përpjekjet për të zëvendësuar institucionet e partisë me aktet e dhunës së bosëve ndërkombëtarë të krimit të organizuar, janë akte tipike të një celule ilegale. Institucionet e partisë kanë marrë vendimet e tyre, duke vendosur përfundimisht të zgjedhin të ardhmen, interesin e demokratëve, Partisë Demokratike dhe Shqipërisë. 

Fyerja e pashembullt nga Sali Berisha drejtuar 5004 anëtarëve të Kuvendit Kombëtar të PD, shumicës dërrmuese të këtij organi, duke i etiketuar si socialistë, ekstremistë të majtë, enveristë të thekur, është shprehja më e qartë që Sali Berisha ka zgjedhur të shkelë mbi çdo demokrat që i shërben interesit të demokratëve, interesit të PD dhe jo interesit personal të tij. Është fakt që shumica dërrmuese e Kryesisë së Partisë, e Këshillit Kombëtar dhe e Kuvendit Kombëtar, kanë zgjedhur të ardhmen dhe interesin e Partisë Demokratike, duke mos lejuar bunkerizimin e PD për hallet personale të askujt”, thuhet në reagimin e PD.

Të fundit