“Fatos Nanos konsolidimin e pushtetit ia dha burgu”, Ruli flet për raportin me Bashën

Genc Ruli me Lulzim Bashën

Ish-ministri Genc Ruli ka treguar fillimet e angazhimit të tij në politik, ndërsa është ndalur në marrëdhëniet që ai ka pasur me ish-kreun e PS-së, Fatos Nano. Teksa tha se ka pasur njohje me Nanon, ai shtoi se ky i fundit e rriti ndikimin e tij tek socialistët pasi u dënua me burg.

Sipas ish-ministrit Nano ka lënë një model kolegjialiteti mbi PS-në dhe strukturat e saj.

“Fatosi ka qenë në një gjimnaz me mua. Kishim njohje, goxha njohje me Fatosin. Në lidhje me qeverisjen dua të them, Fatosi si kryetar partie së pari, konsolidimin e pushtetit ia dha burgu. Në momentet e para ai qe një figurë krejt e re e papërshtatshme për trupin e Partisë së Punës dhe e shihnin si të huaj.

Martirizimi i dha pushtetin. Fatosi në finale la një vijë të qartë të një liberalizmi konseguent nga ana e tij. Një liberalizim që vinte dhe nga një lloj moskokëçarje, por ama la një model kolegjialiteti mbi emrin e partisë dhe strukturave të partisë”, tha Ruli.

Ruli tregoi në “Opinion” edhe për marrëdhëniet me kryetarin e PD-së, Lulzim Bashën, për të cilin tha se ka më shumë një raport personal se sa politik.

 “Kur hyn tek pjesa politike, raporti ynë tensionohet”, u shpreh Ruli duke pohuar ndër të tjera se Basha ka reflektuar dhe ka reaguar mbi ato çka ka bërë gabim.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm