"Peshqit e mëdhenj nuk preken"/ Teliti për mikrokreditë: Fenomen i mbështetur nga pushteti!

Eksperti i ekonomisë Dorian Teliti ka komentuar këtë të hënë skemën e mikrokredive ndërsa ka denoncuar dështimin e institucioneve shtetërore për të vepruar.

I ftuar në SYRI TV, Teliti ngriti gishtin drejt ‘bekimit politik’ si shtysë e këtij fenomeni të përhapur në të gjithë vendin.

Teliti theksoi se kemi të bëjmë me një rrënim të rolit të shtetit në 12 vitet e fundit, ku ‘peshqit e mëdhenj’ vazhdojnë të jenë të paprekshëm, ndërsa ndëshkohen vetëm ‘cironkat’.

Ndërsa vë në pikëpyetje rolin e Bankës së Shqipërisë, si institucioni që ka dhënë licencën dhe ka pasur për detyrë të monitorojë, por edhe të Ministrisë së Drejtësisë, që sipas tij ka lejuar përmbarues privatë të shndërrohen në ‘kasapë të tregut’, duke sekuestruar banesa për borxhe minimale.

Dorian Teliti: Kur shteti praktikisht ka humbur kontrollin mbi gjithçka, por sidomos në këto 12 vitet e fundit. Sepse ndonëse përpara përgjegjësisë nuk lejoheshin të agravohej një situatë e tillë, këto 12 vite kemi parë që kemi parë që që kemi një humbje totale praktikisht në kontaktet e strukturave shtetërore me dashje në disa raste, pa dashje në disa raste të tjera në realitetin që po ndodh. Kemi një qeveri shumë të aftë të kapin ‘cironkat’, ashtu sikurse e tha edhe kolegu, por peshqit e mëdhenj nuk kapen. Por kush janë peshqit e mëdhenj në këtë rast?

Është një rast sporadik kjo që ka ndodhur me mikrokreditë? Pra, kemi 2-3 raste? Apo flasim për mijëra raste?

Në momentin që flasim për mijëra raste, nuk është më një fenomen i izoluar. Është një fenomen i përhapur gjerësisht, anembanë Shqipërisë dhe që mund të kryhet vetëm me një rast. Dhe rasti është vetëm me bekimin politik, ku zyrtarë të lartë të shtetit, të japin ty bekimin, madje bëhen dhe ata pjesë e kësaj skeme për të proceduar për vite e vite të tëra me mikrokreditë.

Këtë MCA kush e licencoi? Banka e Shqipërisë... Kush duhet ta monitoronte? Banka e Shqipërisë...

Kush mban përgjegjësi? Pikëpyetje e madhe...

Normalisht Banka e Shqipërisë, por kush e mban përgjegjësinë sot, në këtë dosje hetimore. Pikëpyetje e madhe... Është lënë pa përgjegjësi.

Në anën tjetër, këta përmbaruesit, këta kasapët e tregut, këta që për 88 mijë lekë të vijmë dhe të sekuestrojnë shtëpinë, është një rrogë normale sot në Tiranë. Të vijnë dhe të sekuestrojnë shtëpinë.

Në sytë e kujt? Nën bekimin e kujt? Kush heshti për këta përmbarues? Kush i licencon këta përmbarues dhe kush i monitoron këta përmbarues? Ministria e Drejtësisë...

Ka sot Ministria e Drejtësisë palë përgjegjëse në dosjen e prokurorit? Mesa duket, jo...