Flash News

Zyrtare/ Massimiliano Allegri është trajneri i ri i Milan

Do të verifikohet vula e fletëve, të hënën hapet kutia e parë e 11 Majit

Trafik armësh Kosovë-Shqipëri, sekuestrohen pistoleta dhe automatikë, 10 të arrestuar

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen 4 makina në Fier, dy persona të lënduar

Ditari i Opozitës

“Fletërrufenë do ta rrëzoj në gjykatë”/ Meta sfidon Ramën nga qelia, zbulon arsyen e ndërrimit të avokatit

Politiko 29 Maj 2025, 19:02

“Fletërrufenë do ta rrëzoj në gjykatë”/

Nga qelia ku ndodhet në paraburgim, Ilir Meta ka dhënë një intervistë për Syri TV, ku i është përgjigjur akuzave të ngritura nga SPAK, të cilat i ka cilësuar si një “fletërrufe politike” e orkestruar nga kryeministri Edi Rama. Presidenti i Partisë së Lirisë theksoi se paditë ndaj tij janë të motivuara politikisht dhe se ai do t’i “shpartallojë” në gjykatë, nga Tirana deri në Strasburg.

“Për mua është një zhvillim pozitiv që çështja po shkon në gjykatë. Akuzat ndaj meje janë formuluar që në kohën kur kam qenë President, nga Kongresi i Rilindjes. Nuk kam asnjë frikë, do ta shpartalloj fletërrufenë e Ramës publikisht, deri në Strasburg”, u shpreh Meta.

Në intervistë, Meta sqaroi edhe arsyet e ndërrimit të përfaqësimit ligjor, duke bërë me dije se tashmë çështjen do ta ndjekë avokati Kujtim Cakrani. Ai theksoi se vendimi për të zgjedhur një avokat të ri lidhet me rëndësinë dhe vëllimin e çështjes që, sipas tij, është një proces madhor politik.

“Avokat Gjokutaj ka bërë një punë të shkëlqyer, por tani kemi dy çështje të mëdha: atë të Berishës dhe atë të Metës. Nuk mund të përfaqësohen të dyja nga i njëjti avokat, pasi kanë specifikat e tyre. Kam bindje të plotë se avokati Cakrani do ta përballojë me përkushtim këtë proces dhe do të mbajë një qasje transparente me publikun”, tha Meta.

Ai e cilësoi veten dhe Berishën si viktima të një drejtësie të kontrolluar nga mazhoranca, duke e konsideruar të gjithë hetimin si pjesë të një strategjie politike për të eliminuar opozitën.

 

 

Të fundit