Fotolajm/ Garda nuk lejon deputetët të futen brenda, Noka kapërcen kangjellat, Korreshi...

Skandal para Kryesisë së Kuvendit, ku deputetët e opozitës tentojnë të hyjnë në godinë, por janë penguar nga Garda e Republikës.

Deputetët e opozitës, të cilat janë përjashtuar nga punimet e Kuvendit për 10 ditë, nuk u lejuan të futen brenda godinës së kryesisë, për të marrë pjesë në komisionet parlamentare.

Kjo ka shkaktuar tensione dhe përplasje me efektivët e Gardës së Republikës, të cilët kanë bllokuar derën.

Flamur Noka arriti të kapërcente kangjellat dhe të futej brenda kryesisë, përpjekje bëri edhe Saimir Korreshi.

Jo vetëm deputetët e përjashtuar, por edhe ata të cilët nuk e kanë një masë ndaluese nga Etika, janë ndaluar të futen brenda ambienteve të Kryesisë së Kuvendit.

Deputeti demokrat Ervin Salianji i është drejtuar njërit prej gardistëve duke e paralajmëruar të mos e prekë me dorë.