Flash News

Studentët e mjekësisë në protestë: Qeveria po shpërdoron të ardhur e popullit

Njihuni me këmbimin valutor 2 tetor 2023

Me temperatura në 30 gradë, parashikimi i motit gjatë kësaj jave

Partia e Punëtorëve të Kurdistanit merr përgjegjësinë për sulmin terrorist në Ankara

Zjarr në një klub nate në Spanjë, të paktën 13 viktima

Ditari i Opozitës

“Fryrja” e administratës/ Alimehmeti: Kontrata janë 3 mujore, premtimet që bën qeveria janë pa lekë

Politiko 29 Mars 2023, 16:07

“Fryrja” e administratës/ Alimehmeti: Kontrata janë 3

Kryesuesi i listës për Këshillin Bashkiak të koalicionit “Bashkë Fitojmë”, Ilir Alimehmeti, është shprehur se fryrja e punësimeve në administratë në prag zgjedhjesh bëhet për efekte elektorale.

Sipas tij, shumë prej kontratave të dhëna për punësim janë vetëm 3 mujore. I ftuar në një intervistë për “Panorama TV”, Alimehmeti deklaroi se në politikë nuk bëhet asgjë në mënyrë rastësore, por gjithmonë ka një skemë “poshtë tavolinës”.

“Dhe kjo është me efekt elektoral. Në politikë asgjë nuk ndodh rastësisht, gjithmonë ka një model apo një skemë poshtë. Dhe po të shohësh janë pothuajse të gjitha kontratat 3 mujore. Nuk jam kundër punësimit të njerëzve në administratë, por jo të shfrytëzohet për periudha zgjedhore. Njerëzit nuk mund të mendojnë dot vetëm për ditën e sotme. Duhet të mendojnë për fëmijët e tyre. Kjo është përgjegjësia e një votuesi. Në 2019-ën s’kishte kandidat, ishte i vetëm. Sa mijëra vota pati të pavlefshme në kuti. Ka votuar vetëm administrata dhe ata që u morën me forcë. E dinin që ai i vetëm do fitonte. Mijëra vota të pavlefshme. Ishin njerëz të asaj administrate që po e kuptojnë se ku po shkojmë. Ishte një proces fars. Ishte një minorancë e Tiranës dhe e dënuan duke i vënë kryqin sipër. Po këta njerëz janë dhe janë shtuar pas 4 vitesh.”, është shprehur Alimehmeti.

Ndër të tjera, Alimehmeti tha se premtimet që jep Rama për rritjen e pagave, janë pa lekë teksa shpreh dëshirëm që këto fjalë të kalonin dhe në letër.

“ Premtimet janë pa lekë. Janë premtime dhe s’i kemi parë në vendime. Kur u bë një kostifikim real, dha një deklaratë zyrtare, nuk vlerësoj fjalët e thëna lart e poshtë. Tha se nuk e kanë të mundur për pagesën e këtij bonusi për pensionistët. Çne dolën lekët pas një muaji. Si rrjedhojë, ju them se këto potencialisht janë premtimet. Fillimisht ai ka detyrë të bëjmë indeksimin e pagave. Ka një bord që qëndroi për gati një vit. Çfarë mase u mor për këtë bord? Personat si u gjykuan. Kanë shkelur Kushtetutën për një vit, dhe çfarë mase u mor? Këto janë thjesht premtime, se ndihen të paprekshëm

3-5 vite më parë kishte njerëz që ecnin si Zoti në tokë këtu. Ku janë sot 2-3 vite më pas. E njëjta situatë është edhe sot. Premtimet nuk janë të bazuar në financa, tha ministrja. Çfarë ndryshoi në këto javë në financat publike. I konsideroj premtime elektorale. Do doja shumë të vendoseshin në letër”, ka theënë Alimehmeti.