Ditari i Opozitës

Ftesa për mbledhje të Këshillit Politik, Hajdari: Ka një marrëveshje të fshehtë! Nëse nuk më kthejnë përgjigje, beteja vijon në Parlament

Ftesa për mbledhje të Këshillit Politik, Hajdari: Ka një

Deputetja e opozitës parlamentare Rudina Hajdari ka reaguar pas ftesës së bërë ditën e sotme ndaj anëtarëve të Këshillit Politik për të zhvilluar një takim pas dekretit të Metës për kthimin e ndryshimeve të Kodin Zgjedhor në Kuvend.

Hajdari tha se nuk e ka ende një përgjigje konkrete, por që është në pritje të saj. “Do të ishte e udhës të kthenin një përgjigje. Nuk duhet të vazhdojmë me të njëjtin avaz të kthimit të ndryshimeve të Kodit zgjedhor sa nga njëra palë, nga tjetra”, tha Hajdari.

Deputetja theksoi se nëse nuk do të ketë një përgjigje, beteja do të zhvillohet në parlament.

A do tentoni një ofertë gjithëpërfshirëse?

Mendoj që arritja e një pike kompromisi është e rëndësishme. Të gjitha palët ranë dakord që listat e hapura mund të bënin ndryshim për qytetarët që ata të ishin të vendosnin listën fituese në parlament. Kjo vërtet do ishte shans historik, dhe në atë kohë ë kam quajtur historik. Nga ajo kohë e deri tani, koha ka kaluar, mazhoranca ka tentuar që në mënyrë të njëanshme të mbajë listat e mbyllura. Teksa ndryshimet në Kodin Zgjedhor nuk ia japin shansin qytetarëve listat e hapura 100%.

Ndryshimi është tek vota parapëlqyese, dhe ky është ndryshimi por s’bën diferencë. Ndaj mendoj që me thirrjen e Këshillit Politik mund të reflektojmë, të ulemi dhe që të gjejmë konsensus. Mazhoranca ishte për lista të hapura, minimumi 70%, kurse sot janë të mbyllura 100%. Nuk mbajtën premtimin,
Fakti që e kaluan në parlament pa konsensus tregon që kodi zgjedhor u miratua në mënyrë të njëanshme.

Keni patur ende një përgjigje për thirrjen e mbledhjes së Kështillit Politik?

Nuk kam ende ndonjë kthim përgjigje, por do të shohim sot ose nesër do të ketë një reagim. Mendoj se do të ishte e udhës të kthenin një përgjigje. Nuk duhet të vazhdojmë me të njëjtin avaz.

Më vjen çudi që shikoj një opozitë jashtëparlamentare të heshur. Në momentin që Presidenti e kthen në Parlament, s’kam parë reagim madhor. Ky duhet të ishte momenti, nuk duhet të jemi të heshur. Më 29 nëntor është seanca, dhe mund të takohemi për t’u dhënë qytetarëve. Unë kam qenë konsistente për listat e hapura 100%. Qytetarët duan ndryshim themelor.

Po, nëse nuk do të keni një përgjigje nga anëtarët e Këshillit Politik?

Padyshim që do të shkojmë në Parlament dhe do të shikojmë mundësitë e tjera për të vijuar betejën përmes një lëvizje që unë do ta lançojë në ditët në vijim, në seancën e ardhshme. Kjo është e rëndësishme sepse lidhet ngushtësishtë dhe është në vijimësi të procesit për të realizuar atë që s'u realizua dot. 

Ditari politik

Të fundit