Gafa e Ibrahimajt, Tabaku: Parashikuat ç’do ndodhte pas tërmetit? Je arrogante apo e paaftë?!

Deputetja demokrate Jorida Tabaku është përplasur sot në seancën plenare me ministren e Financave, Delina Ibrahimaj.

Gjatë interpelancës për fondin e rindërtimit, Tabaku tha se ministrja Ibrahimaj pyetjes së saj sesa ka kushtuar ky proces, i përgjigjet me foto.

Tabaku nuk i ka kursyer as ironitë, teksa kapi gafën e bërë nga ministrja, kur tha se nuk morën kredi të butë pasi pas tërmetit u bënë gati për pandeminë.

“Shpresoj që të ketë qenë një lapsus ai i ministres, dhe shpresoj të mos i ndodh gjë këtij vendi, por ministrja është kaq largpamëse sa parashikon dhe shumë gjëma që mund të ndodhin në vijim.

Si mund t’i përgjigjet një pyetjeje sasa kushton, me një fotografi? Si mundet dikush që duhet të mbajë përgjegjësinë për buxhetin e shtetit, të sillen të gjithë si piktorë? A kemi shtetar apo jo? Arroganca dhe paaftësia nuk mund të jenë arsye që të abuzojmë me buxhetin e shtetit dhe për qëllime elektorale. Kjo ka ndodhur edhe me procesin e rindërtimit.

Nga Laçi më thanë se qytetarët që nuk kishin votuar për PS nuk janë dëmshpërblyer pas tërmetit. Pyes sa ka kushtuar procesi i rindërtimit  dhe thotë se i çuam në hotele me 5 yje? Kë duhet të pyes unë?

Si ka mundësi që është tenderuar 1.2 mld euro ndërkohë që siç tha ministrja janë paguar dhe shpenzuar rreth 700 mln euro… unë thash 400,  po qënka dhe më e lartë.  Kush mban përgjegjësi që ka hapur tendera dhe ka proceduar kur fondet nuk kanë qenë në buxhetin e shtetit?

Nga vendosja e kritereve për tenderat e rindërtimit, kanë përfituar vetëm 11 kompani. A ke keni ndonjë lidhje me ato kompani që kanë përfituar? A ka lidhje ish zv.kryeministri me ato kompani? Kjo ka ndodhur këtu, keni përdorur fatkeqësinë për biznes”, ka thënë Tabaku.

Deputetja demokrate ka vijuar me tej teksa shprehet se abuzim me procesin e rindërtimit është duke kushtuar dy herë më shtrenjtë se vlera reale e atyre projekteve.

“Pati mundësi të parashikojë pandemisë dhe të thotë që pas tërmetit u desh të pëgatiteshim për pandeminë dhe ndaj si morëm kreditë e buta, ku e dije se do vinte pandemia?!

Abuzim me procesin e rindërtimit… është duke kushtuar dy herë më shtrenjtë se vlera reale e atyre projekteve. Raporti i OSBE/ODIHR por dhe raporte të tjera kanë thënë se është përdorur për arsye elektorale… kush mban përgjegjësi për bërjen biznes, për kërkimin e votës për jetën e shqiptarëve?

Duhet të kesh kurajo të vish këtu dhe të thuash që ‘po procesi i rindërtimit kushton 43 mln për 2023, nevoja tha është 42 mld lekë’. Por e dini sa ka llogaritur programi buxhetor afatmesëm? 0! E dini sa ka llogaritur buxheti i shtetit? 5 mld lekë! A je e paaftë po je arrogante nuk e di?! Atëherë ku do i gjesh këto para?!”, tha Tabaku.