Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gara e 13 qershorit, Edith Harxhi kërkon debat publik me Bashën: PD nuk është prona e tij

Politiko 29 Maj 2021, 09:51

Gara e 13 qershorit, Edith Harxhi kërkon debat publik me Bashën: PD

Kandidatja për kryetare e PD-së Edith Harxhi akuzon kreun e opozitës, Lulzim Basha se ka marrë peng Partinë Demokratike dhe kërkon të ketë një debat publik me të.

E ftuar në “Zonë e Lirë”, Harxhi shprehet se ajo kërkon pronën e saj dhe atë që i takon të gjithë demokratëve.  

“Unë në si mbesë pronarësh të ligjshëm, të shpronësuar nga regjimi komunist, e kam pronën shumë të shenjtë dhe unë kërkoj pronën time, atë që më takon mua dhe atë që i takon të gjithë demokratëve. Kjo pronë nuk ka qenë kurrë pronë e Lulzim Bashës, ai ka qenë menaxheri i kësaj prone. Në qoftë se ne do ktheheshim sot siç kanë bërë shumë të tjerë që kanë marrë pronat e pronarëve të ligjshëm për disa kohë për t’i shfrytëzuar dhe më pas i kanë bërë të tyret, atëherë po ia falim Partinë Demokratike, Lulzim Bashës dhe gjithë sërës së tij dhe përfundimisht t’i vejmë drynin kësaj partie dhe t’i vëmë drynin opozitës.

Duke qenë se unë e kam filluar me çantë shkolle në dorë në 8 Dhjetor të vitit ’90, pikërisht për këtë arsye unë e shikoj që ai nuk ka të drejtë që të jetë pronar mbi atë gur themeli që kam vendosur unë dhe të gjithë shokët e mi në ’90. Kjo është arsyeja që më shtyn mua sot, ajo nuk është prona e tij.

Lulzim Basha është sot më i dobët se kurrë, shihni turet elektorale që bën me 30-40 vetë gjithsej me salla të mbushura me fëmijë. Më lejoni t’ju pyes, a e dini se ku është? Ka 3 javë që nuk del në publik. Unë mendova mos na bënit ndonjë surprizë ta sillnit këtu, sepse nuk pranon të bëjë as debat publik. Ai duhet të jetë prezent sepse gara ime nuk është garë me Agronin ose Kadillin, gara është me Lulzim Bashën, sepse unë dua pronën e të parëve të mi dhe ai nuk mund të mbajë as vulën, as çelësin, sepse PD-ja sot për sot është marrë peng”, thotë Harxhi.

 

Të fundit