Flash News

Ditari i Opozitës

Garda rrethoi Kuvendin, Bardhi: E paprecedentë dhe antikushtetuese

Garda rrethoi Kuvendin, Bardhi: E paprecedentë dhe antikushtetuese

Kreu i grupit parlamentar të PD-së, Gazment Bardhi pas mbylljes së seancës plenare, dënoi miratimin e projektbuxhetit 2024 nga mazhoranca në një kohë kur Kuvendi ishte përfshirë nga tensionet.

Bardhi tha për mediat se sot Garda rrethoi në kundërshtim me ligjin sallën e Kuvendit dhe e vetmja arsye se pse kjo ndodhi, ishte për shkak të prezencës së kryeministrit Rama.

Demokrati e cilësoi të paprecedentë dhe antikushtetuese.

“Do të duhet ju t’i kërkoni llogari kryetares së Kuvendit se pse ju gënjeu të shtunën ku mohoi urdhrin e paligjshëm, që mbushi sallën e Kuvendit me gardistë. Shqipëria është anëtare e NATO-s, pret që të anëtarësohet në BE. Sot deputetët kanë qenë të rrethuar nga forcat e sigurisë sikur të ishim vend në gjendje lufte. E vetmja arsye se pse salla e Kuvendit ishte mbushur me forca të gardës, ishte se në sallë ishte kryeministri Rama. Një frikacak që për të ardhur në seancë blindoi sallën. Nuk kemi përplasje me Gardën. Nuk e kemi betejën me Gardën e Republikës. Sipas Ligjit Garda nuk mund të futet në seanca për të rrethuar deputetët e Kuvendit”, tha ai.

Të fundit