Flash News

Përplasja mes agjentit të BKH, efektivëve dhe njerëzve të Agron Kapllanaj, reagon Policia: Disa të shoqëruar

Përfshihet nga flakët një banesë në Kolonjë

CNN: Trump mund të mbyllë rreth 30 ambasada dhe konsullata të huaja, prek edhe Ballkanin

Trump vendos më shumë tarifa për çipat kompjuterikë dhe produktet farmaceutike

E rëndë në Fier, 53-vjeçarja gjendet e pajetë në garazh

Ditari i Opozitës

Genc Burimi: Rama e përdor integrimin si armë politike, fushata e PS-së si teatër absurd

Politiko 15 Prill 2025, 19:33

Genc Burimi: Rama e përdor integrimin si armë politike, fushata e

Gazetari Genc Burimi ka komentuar fushatën e Partisë Socialiste dhe mënyrën se si kryeministri Edi Rama e ka përdorur procesin e integrimit europian në komunikimin me publikun. I ftuar në Syri TV, Burimi e krahasoi atmosferën e fushatës së PS-së me një “festë në një spital psikiatrik”, duke vlerësuar se qëndrimi agresiv i Ramës vjen pas një zhvillimi të papritur në skenën ndërkombëtare.

Sipas Burimit, vendimi i kryesisë polake të Bashkimit Europian për të përshpejtuar negociatat për integrimin e Shqipërisë ishte një surprizë për Ramën, i cili nuk e kishte parashikuar një mbështetje të tillë në këtë moment.

“Gjithçka vjen nga fakti që Ramës i erdhi një dhuratë nga Zoti, dhuratë nga lufta në Ukrainë. Vendimi i kryesisë polake të BE-së përshpejtonte procesin e negociatave dhe Rama nuk e priste. Në atë moment ai fillon e bëhet agresiv dhe mendon se ka një thesar në dorë,” – deklaroi Burimi.

Ai shtoi se kryeministri po e përdor këtë “dhuratë” për të maskuar mungesën e një programi të qartë elektoral dhe për të mbyllur çdo debat mbi integrimin europian.

“Sipas tij, kjo dhuratë do t’i shërbejë Ramës për të heshtur opozitën dhe për të etiketuar si tradhtar këdo që kritikon procesin e integrimit. Ai e sheh këtë si një mënyrë për të kontrolluar narrativën politike dhe për të shmangur debatet e vërteta mbi programin e qeverisjes,” – përfundoi gazetari.

Të fundit