Genc Fuga pësoi goditje në tru, Shehu denoncon: Kriminale t’i thuash pacientit “O paguaj o vdis”!

Aktori Genc Fuga duhej t’i nënshtrohej urgjent një ndërhyrjeje kirurgjikale që i kushtoi 19 mijë euro në spitalin privat Amerikan.

Në pamundësi që familjarët e Fugës të paguanin këtë shumë të lartë, dashamirës të artistit kanë kontribuar duke mbledhur shumën dhe duke u bërë i mundur operimi i aktorit.

Pas kësaj ngjarjeje, një reagim ka ardhur nga ish-ministri i Shëndetësisë, Tritan Shehu, i cili denoncon se ka disa operacione për jetë a vdekje, si rasti i Fugës, që nuk realizohen në spitalin shtetëror QSUT dhe këtë e cilëson kriminale.

Raste si ai i Fugës, deputeti demokrat shkruan se përsëritet për qindra shqiptarë, që sipas tij në shkelje të Kushtetutës, nuk iu ofrohet shërbim në shtet për disa raste specifike dhe detyrohen të paguajnë shuma marramendëse në spitale private ose përballen me vdekjen.

Postimi i plote i Tritan Sehut

Kriminale t’i thuash pacientit “O paguaj o vdis”!

Nje “Deja vu” cfare ndodh me artistin Fuga, nje ngjarje e perseritur, per qindra shqiptare tashme.

Nje shkelje e rende e Kushtetutes, te drejtave universale.

Eshte vetem nje simptom i degradimit te “Shendetesise falas” te Rilindjes.

Ne te vertete e kam ngritur pa nderprerje kete ballafaqim me vdekjen te pacienteve, por pa asnje pergjigje nga ky shtet.

Jane jo pak nderhyrjet e urgjences ekstreme jetesore, pra per jete ose vdekje, qe per turpin e sistemit nuk realizohen as ne QSUT.

Realizohen vetem te privati, me pagese ne dore nga pacienti.

Ndryshe Vdis!

Midis tyre eshte dhe trajtimi i “aksidenteve” akute e te renda cerebrale.

Pra kemi te bejme me nje urgjence ekstreme, detyre e shtetit per tu perballuar.

Fatkeqesisht shteti ne vend qe te ndertoje nje strukture te tere mbeshtetese urgjence, ben rolin e strucit, duke i thene pacienteve…

O paguaj o vdis.

Se pari eshte e pa pranueshme qe te tilla procedura mos te realizohen ne QSUT,

Turp kjo edhe per ate qender, sherbimet, qe se paku duhet te ngrene fort zerin e jo te heshtin si fija e barit.

Se dyti, per deri sa kjo te realizohet tek publiku, shteti duhet te rimbursoje 100 % te shpenzimeve privatit qe e realizon, duke e falenderuar ate.

Sepse ketu kemi te bejme me Jete ose Vdekje.

Duke i uruar sherim aktorit te njohur e vleresuar rolin e publikut dua te them:

Nuk mjafton vetem me kaq, jane shume e shume ata qe ne heshtje pesojne te tilla semundje e kane nevoje per ndihme.

Opinioni mjekesor, ai i pergjithshem duhet te ngreje fort e lart zerin per tu respektuar e vleresuar se paku Jeta e qytetareve.