Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Opozitës

Gjata: Banorët e Burrelit pa ujë të pijshëm, 14 mln euro për ujësjellës u shndërruan në shatërvan

Politiko 23 Shkurt 2024, 14:25

Gjata: Banorët e Burrelit pa ujë të pijshëm, 14 mln euro

Çlirim Gjata, anëtari i Kryesisë së PD, ka denoncuar rastin ku uji i pijshëm në Burrel derdhet në rrugë pas një problemi me tubacionet.

Gjata tha nga selia blu ujësjellësi është inauguruar dy vite më parë nga kryeministri Edi Rama dhe ministrja Belinda Balluku. Ky ujësjellës që ka kushtuar 14 milion euro Gjata thotë se tashmë është kthyer në një “shatërvan” dhe jo uji i pijshëm që duhet të shkojë në çezmat e qytetarëve.

Sipas tij, Burreli the rrethinat e tij kanë mbetur pa ujë të pijshëm.

"Këto pamje nuk janë shatërvan argëtues por uji i pijshëm i ujësjellësit të qytetit të Burrelit që duhet të ishte në rubinetat e qytetarëve, jo rrugëve. Ky është i njëjti Ujësjellës, hapja e punimeve të të cilit u inaugurua me të madhe rreth dy vite më parë nga Edi Rama dhe Belinda Balluku. I njëjti ujësjellës që u kushtoi taksapaguesve 10 milionë euro plus disa milion ekstra për të mbuluar ‘gabimet’, siç ndodh me çdo punë publike që bëhet shkel e shko, sa për publicitet dhe për të vjedhur", tha Gjata.


Më tej Gjata deklaroi: "Ujësjellësi i Burrelit ka probleme në zbatim, nuk ka as parametrat minimalë të sigurisë dhe cilësisë. Ai është ndërtuar me tuba plastikë. 14 milionë euro të shpenzuara por punë. Mijëra banorë të Burrelit dhe rrethinave pa ujë të pijshëm, me 14 milion euro të nisura për ujësjellës e të shndërruara në shatërvan.

Kujtojmë se kur Bashkia Mat drejtohej nga Partia Demokratike, në vitin 2014 pushteti lokal kërkoi një investim prej 5 milionë eurosh për këtë Ujësjellës. 8 vite më vonë investimi shkoi nga 12 milionë deri në 14 milionë euro. Trefish më shumë dhe ende pa ujësjellës.

Këto janë veprat publike të Ballukut, Ramës e gardistit të tyre në Burrel. Për to nuk ka nevojë për denoncime, por vetëm konstatime. Armagedoni i korrupsionit ka shpërthyer nga inceneratori i Tiranës te ujësjellësi i Burrelit, nga zhvatja e Butrintit te kolapsi i koncesioneve në Shëndetësi".

Të fundit