Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj: Lezha ka nevojë për ndryshim, qeverisja e Rilindjes ka dështuar në çdo fushë

Politiko 28 Mars 2025, 19:27

Gjekmarkaj: Lezha ka nevojë për ndryshim, qeverisja e Rilindjes ka

Drejtuesi politik i Partisë Demokratike për Lezhën, Agron Gjekmarkaj, ka shpërndarë një status në Facebook ku ka kritikuar ashpër qeverisjen aktuale të Rilindjes dhe ka theksuar domosdoshmërinë e një ndryshimi të madh në qytet. Gjekmarkaj ka deklaruar se Lezha ka mbetur në hije gjatë 12 viteve të qeverisjes së kësaj partie, duke përmendur dështimet në disa sektorë kryesorë si bujqësia, ekonomia, shëndetësia dhe arsimi.

Ai e cilësoi qeverisjen aktuale si një dështim të madh dhe premtoi një plan emergjent për të nxjerrë qytetin nga kolapsi. Gjekmarkaj shtoi se Partia Demokratike është e gatshme të rikthejë shpresën dhe drejtësinë në Lezhë, duke përmendur dy kandidatët e saj për këtë qytet, Lindita Metaliaj dhe Gjin Gjoni.

Postimi i plotë:

Të nderuar qytetarë të Lezhës,
( Dy fjalë Ulsiut për Fishtën)
Po shoh disa pankarta që flasin për një fabrikë që jua ka bërë jeten të vështirë qytetarve të Lezhës! Aty shkruhet “Kancer”, po e tillë është. Me PD në pushtet ai problem do të zgjidhet, ua japë fjalën për këtë.
Lezha ka nevojë për një udhëheqje të re, një frymë të re dhe një angazhim të pakushtëzuar për të ardhmen e saj. Partia Demokratike, me listen e saj, me dy kandidatët e saj të angazhuar, znj. Lindita Metaliaj dhe z. Gjin Gjoni, është e gatshme të rikthejë shpresën dhe të sjellë drejtësi për qytetin tonë
Pas 12 viteve të qeverisjes së Rilindjes, Lezha ka mbetur në hije, pa ndihmën që meriton. Politikat diskriminuese dhe dështimi i një qeverie që ka privilegjuar interesat e grupeve të ngushta mbi të mirën e qytetarëve, e kanë lënë Lezhën pa zhillimin e merituar.
Bujqësia është shkatërruar, ekonomia ka rënë, shëndetësia është në kolaps dhe arsimi po shkatërrohet çdo ditë e më shumë. Kjo nuk është qeverisje,është një dështim i madh!
Sot, ne kemi një program të qartë dhe të vendosur, një plan emergjent që do ta nxjerrë Lezhën nga ky kolaps. Nuk mund të pranojmë më fasada të shndritshme dhe premtime të pambajtura! As lyerje fasadash pas tërmetit, as manipulime për vota! Lezha ka qytetarë që kërkojnë realitetin, jo mashtrime! Qytetarët që vuajtën nga tërmeti ende presin kompensimet dhe mbështetjen e munguar, ndërsa bashkia dhe qeveria i kanë lënë të vetëm, pa asnjë shpjegim të qartë.
Lezha është e mbytur nga trafiku, kaos në rrugët nacionale dhe asnjë investim në rrugët turistike. E po aq tallëse rruga Milot-Balldren.
Lezha nuk ka më kohë për humbje! Ne e dimë se qytetarët janë të lodhur nga dështimet dhe indiferenca e pushtetit. Ky qytet ka humbur mundësinë të zhvillohet dhe të ecë përpara gjatë këtyre 12 viteve. Ata që pyesin së kë do votonte Fishta, e dëshmojnë fort mirë seriozitetin e shqetësimeve.
Po për çfarë qeverisje mund të flasim për rilindjen? Për një qeverisje që shikon vetëm interesat e ngushta dhe qëllimet e veta, duke lënë pas çdo mundësi zhvillimi për qytetarët e thjeshtë!
Dy fjalë Ulsiut për Fishtë se më ka cituar!
Po të isha përfaqësues i asaj partie do skuqesha ta permendja Fishtën e madh! Une jam rritur me librat e tij, lexuar e rilexuar, për shije njerzore e profesionale! Ati im shpirtëror At Zef Pllumi, nxënësi i tij i zgjedhur, më ka bindur që ai ishte Patrioti më i madh i ketij Kombi. Partia e Ulsiut i hoqi eshtrat nga varri dhe ja gjuajti në lumë, i ndaloi veprën, e shpalli armik! Duhet pak skuqje e turp për t’ja zënë emrin me gojë! E duan Fishtën patronazhist! Nuk e bëjnë dot. Nga atje i përqesh se as të “Gomari i Babatasit” nuk u gjen vend!