Gjekmarkaj me banorët e Kolshit dhe Zejmenit: Zona pa zhvillime, qëndrojnë me orë dhe ditë pa energji elektrike

Nënkryetari i PD dhe deputeti Agron Gjekmarkaj u ndal sot në takim me demokratët dhe banorët e Kolshit dhe Zejmenit, nën shoqërinë e deputetes Lindita Metalia dhe Kryetarit të PD-së Lezhë, Gjin Gjoni.

Në rrjetet sociale, Gjekmarkaj shkruan se si pjesa dërmuese e fshatrave të Shqipërisë, kanë mbetur të pa zhvilluar, pa mbështetje e pa investime, mijëra banorë të fshatrave të Njësisë Administrative Kolsh dhe Zejmen.

Sipas tij, fshati po humb rëndësinë dhe peshën në zhvillimin e vendit, pasi keqqeverisja ka abuzuar dhe lënë pas dore bujqësinë, blegtorinë dhe çdo sektor jetësor.

Postimi i plotë:

Këtë mbrëmje së bashku me deputeten znj. Lindita Metalia, Kryetarin e PD-së Lezhë, z.Gjin Gjoni dhe anëtar të Grupit të Punës, zhvilluam një takim frytdhënës me demokratë, qendrestar dhe banorë të Kolshit & Zejmenit.

Si pjesa dërmuese e fshatrave të Shqipërisë, kanë mbetur të pa zhvilluar, pa mbështetje e pa investime, mijëra banorë të fshatrave të Njësisë Administrative Kolsh dhe Zejmen. Edhe në ato pak investime që janë bërë korrektësia duket se ka munguar, rasti i Lalmit, ku shtyllat elektrike, janë thuajse në mes të asfaltit. Kjo situatë, duhet të marrë zgjidhje pasi rrezikon jetën e banorëve dhe drejtuesve të mjeteve.

Me qindra mesazhe kam marrë nga banorë të Zejmenit të cilët qëndrojnë me orë dhe ditë pa energji elektrike. Është dy herë absurd për këtë rast pasi është investuar në rrjet dhe prapë nuk ka energji, është vjedhur dhe abuzuar, dhe e dyta, neglizhencë totale nga institucionet shtetërore për të gjetur zgjidhje.

Fshati po humb rëndësinë dhe peshën në zhvillimin e vendit, pasi keqqeverisja ka abuzuar dhe lënë pas dore bujqësinë, blegtorinë dhe çdo sektor jetësor.

Arsimi ka pësuar rënie në cilësi, mësimi në klasa kolektive siç ndodh në disa shkolla dhe këtu, tregon për probleme serioze.

Ndaj të dashur demokrat dhe banorë nuk duhet të rrijmë duarkryq, asgjë nuk bëjnë këta që për 12 vite nuk iu gjendet për mirë kund një gjurmë. Po përdorin lëmoshë për pensionistët për vota por shqiptarët nuk do të mashtrohen më.

Vota e shqiptarëve në emigrim është shumë e rëndësishme, kanë emigruar nga padrejtësi të këtij pushteti edhe demokratë të shumtë. Ndaj, të gjithë njëzëri të vendosim mbi angazhimin e tyre për të votuar. Përmbysja e këtij regjimi bëhët edhe me kontributin e emigrantëve të cilët duhet të ndihmojnë të ardhmen e Shqipërisë.

Ky pushtet në ikje ka përdurur dhunën, presionin dhe korrupsion në zgjedhje për të sunduar shqiptarët e ndershëm.

Përsonazhet e dosjes 184 i kemi nëpër këmbë këtu në Lezhë dhe vijojnë me të njëjtin stil presioni për manipulime. Kam sinjale për formularë që po shpërndahen nga bashkia, nga drejtues të arsimit dhe institucione të tjera për administratën duke i vënë nën presion.

Ne do t'i denoncojmë emër për emër dhe do të mbajnë përgjegjësi individuale ligjore. Strukturat tona në katër anët e vendit janë në këmbë. Kush prekë votën do ketë gjyq publik. Është krim dhe si i tillë do të marrë përgjigjen e merituar.

Ne do t'i ndalim dhe do t'u dalim përballë dhe këtë do ta dëshmojmë edhe në mosbindjen civile të 23 Dhjetorit.

Prograni emergjent i PD-së, nxjerr vendin nga zullumi qeverisës aktual dhe garanton mbështetje dhe zhvillim në mënyrë të barabartë për çdo shqiptar.

Pensione jo nën 200 euro!

Minimum jetik 200 euro!

Rrogë minimale 500 euro!

Rrogë mesatare 1200 euro! Mbështetje 160 milon euro për bujqësinë!

Rrogat më të lartat në rajon për mësuesit, pedagogët dhe mjekët!

Rrotacion! Ndryshim!

Luftë korrupsionit dhe kriminalitetit, motoja jonë e përbashkët!  Ne mundemi! Ne ja dalim! Fitore!