Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj me banorët e Lezhës: Pushteti i Ramës i ka shkaktuar pabarazinë dhe zbrastësinë

Politiko 14 Dhjetor 2024, 19:54

Gjekmarkaj me banorët e Lezhës: Pushteti i Ramës i ka shkaktuar

Deputeti dhe drejtuesi politik i PD për qarkun e Lezhës, Agron Gjekmarkaj ka zhvilluar sot takime me banorë të Rrilës, Tales e Shënkollit në Lezhë.

Në rrjetet sociale, Gjekmarkaj shkruan se realitet politik i rilindjes ka dëmtuar bazën e shoqërisë, ekonomitë familjare, biznesin e vogël dhe të madh. AI theksoi se më 23 Dhjetor, të gjithë duhet të jenë pjesë e mosbindjes civile në Tiranë.

Postimi:

Me demokratë, qendrestar dhe banorë të Rrilës, Tales e Shënkollit
Këtë mbrëmje së bashku me deputeten znj. Lindita Metalia, Kryetarin e PD-së Lezhë, z.Gjin Gjoni dhe anëtar të Grupit të Punës, zhvilluam një takim entuziast dhe frytdhënës me demokratë e banor të zonës!
Falenderim dhe mirënjohje për të gjithë demokratët dhe njerëzit e lirë të kësaj zone që kanë qëndruar besnik ndaj kauzave të PD. Ndjesë komunitetit të demokratëve e ndjesë individuale për kohët e vështira kur nuk ditëm tu përgjigjemi ekzigjencave të tyre politike!
Nuk e meriton Shënkolli, Rrila, Talja dhe asnjë zonë tjetër e Shqipërisë pabarazinë dhe zbrastësinë që ka shkaktuar pushteti i Edi Ramës. Ky realitet politik i rilindjes ka dëmtuar çdo gjë, ka dëmtuar bazën e shoqërisë, ekonomitë familjare, biznesin e vogël dhe të madh.
Mijëra hektar tokë e lënë djerr kanë përgjegjës instancat shtetërore. Asnjë mbështetje për fërmerët, për bujqësinë jo e jo, dhe asnjë studim për të ardhmen e këtyre zona dhe në Bregun e Matës. Flasin pafund për tendera për energjinë, ndërsa banorët rrijnë me orë të tëra në errësirë. Edhe në këtë mbrëmje mijëra familje janë në terr në Bregun e Matës dhe gjithë Lezhën. Një problem serioz në verë dhe në dimër që nuk ka shqetësuar askënd nga pushteti.
Keqqeverisja e këtyre 12 viteve ka shkaktuar dëme kolosale. Ky pushtet i pa mëshirshëm ndaj qytetarit të lirë dhe të ndershëm, ka detyruar të largohen qindra mijëra shqiptar, ku padyshim një pjesë e madhe janë demokratët. Janë edhe demokrat e banorë të Shënkollit, Rrilës dhe mbarë Lezhës të cilët kanë braktisur gjithçka tyren, të ndërtuar këtu me aq mund vite më parë.
Pensionistët, janë shtresa më e nëpërkëmbur dhe e lënë në harresë. Mijëra të moshuar nuk marrin dot ilaçet dhe me shumë vështirësi mbyllin muajin. Tallja që iu bëhët me lëmoshën e fundvitit është propaganda më e shëmtuar.
Ndaj, të dashur miq demokrat dhe të pranishëm, të bëjmë çdo gjë që të afërmit tanë, të detyruar nga ky regjim të emigrojnë, të bëhën pjesë e përmbysjes së madhe të pranverës së ardhshme. Le t’i ftojmë dhe t’i lusim njëherazi që më 11 Maj, të votojnë, të bëhën pjesë e shpëtimit të Shqipërisë.
Lusim e u bëjmë thirrje emigrantëve të kssaj zone kudo që janë në Amerikë, Itali, Angli, Gjermani, Greqi e kudo tjetër, t’i përgjigjen thirrjes që Shqipëria ju bën për ndihmë duke votuar rrotacionin!
Ne nuk do të ndalim asnjë çast reagimin ndaj këtij pushteti, e kemi bërë dhe do ta intensifikojmë edhe më shumë për të siguruar votën e lirë përmes Qeverisë Teknike.
Ndaj, më 23 Dhjetor, të gjithë së bashku në mosbindjen civile në Tiranë.
Partia Demokratike ka detyrën dhe përgjegjësinë historike për të bërë çdo përpjekje për të ndryshuar të tashmen. Programi emergjent i PD e mundëson këtë!
Pensione jo nën 200 euro!
Minimum jetik 200 euro!
Rrogë minimale 500 euro!
Rrogë mesatare 1200 euro! Mbështetje 160 milon euro për bujqësinë!
Rrogat më të lartat në rajon për mësuesit, pedagogët dhe mjekët!
Rrotacion! Ndryshim!
Luftë korrupsionit dhe kriminalitetit, motoja jonë e përbashkët!
Ne mundemi! Ne ja dalim! Fitore