Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj: Në shtator presim një luftë të ndezur politike, kryesore dosja për Ilir Metën

Politiko 15 Gusht 2022, 18:25

Gjekmarkaj: Në shtator presim një luftë të ndezur politike,

Deputeti i Partisë Demokratike Agron Gjekmarkaj ka folur lidhur me atë se çfarë pritet të ndodhë në shtator me politikën shqiptare.

Në një lidhje për rubrikën “Opinion” në News 24, Gjekmarkaj tha shtatori pritet të sjellë një luftë të ndezur politike. Teksa iu referua akuzave ndaj kreut të PL-së Ilir Meta is një bashkëpunëtor i Ish-Sigurimit të Shtetit, Gjekmarkaj tha se ka tre skenare mbi ngjarjen.

Gjekmarkaj kërkoi nga Meta që të vendosë me shpatulla pas muri qeverinë për të mos akuzuar një politikan.

“Në shtator presim një luftë të ndezur politike sepse as vera nuk ishte paqësore. Ngjarja kryesore ishte akuzat ndaj ish-presidentit Ilir Meta për një dosje dhe Sigurimin, ngjarje që meriton analizë. Tre skenarë janë të mundshëm: Nuk ekziston një dosje, që prirem ta besoj sepse jemi në ambientin e shantazheve që edhe një burrë e bëjnë shtatzënë, e dyta është që dosja është manipuluar dhe e treta, është një dosje ku mund të ketë ose jo një bashkëpunim me Sigurimin.

Meta duhet të vërë me shpatulla për muri qeverinë që mos të akuzohet më një politikan. Meta i ka resurset që dosja nuk ekziston apo është e manipuluar. Në shtator mazhoranca sjell në skenë ligjin për bashkëpunëtor. Nuk ka deputet që do ti lejonte vetes të votonte kundër një ligji të tillë, çështja është çdo të kërkojë opozita, që fatura të paguhet jo vetëm nga bashkëpunëtorët por edhe punonjësit e Sigurimit.

Nuk e përjashtoj mundësinë që e gjitha të jetë e krijuar për të ulur vrullin e Metës pas mbarimit të mandatit të presidentit, sepse nëse do të ishte me një qasje tjetër ndaj qeverisë kjo mund të mbahej në sirtar ose nuk do të krijohej nëse nuk ishte.Meta është një lojtar i vjetër politik me ndjekësit e tij që di të bëjë politikën e tij dhe është shfaqur shumë agresiv.

I duhet që jo me deklarata politike, por të gjejë një mënyrë që t’ia lejë në derë qeverisë një gjë të tillë. E vërteta është si një rreze dielli që tejkalon xhamin pa e thyer. Duhet të vërtetohet që kjo dosje nuk ekziston apo është manipuluar. Zgjidhje nuk janë deklaratat politike.

Në shtator gjithçka mund të ndodhë. Nuk e shoh të afërt një qeveri teknike, por nëse ka forca madhore dhe forcë të madhe proteste kjo mund të ndodhë. Varet nga kohezionin dhe fuqia e saj mbledhëse e goditëse e opozitës. Jemi ende në fazën e deklaratave politike. Pres të ketë protesta. Në vendin tonë ka shumë për të protestuar, për mënyrën si vendi keqqeveriset, për mbingarkesën e pushtetit dhe si e administron qeveria. Çështja është sa opozita do ta motivojë protestën që qeveria të ndjejë se po i vjen fundi”, u shpreh ai.