Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj për shpalljen ‘non grata’ të Berishës: Lajm i keq për Shqipërinë, është politikani më pro amerikan

Politiko 20 Maj 2021, 17:00

Gjekmarkaj për shpalljen ‘non grata’ të Berishës:

Kandidati fitues i PD për deputet në qarkun e Lezhës, Agron Gjekmarkaj ka komentuar vendimin e DASH për shpalljen non grata të ish-kryeministrit Sali Berisha, duke e konsideruar një lajm të keq për Shqipërinë.

Gjatë intervistës në emisionin “Opinion” në “Neës 24” Gjekmarkaj tha se Berisha nuk është modeli i një politikani të korruptuar, por më pro amerikani në hapësirën shqiptare.

“Unë mendoj se një kongresmen amerikan, besoj se ka aspiratë lirinë e fjalës. Si deputet, e kam një mendim që do e ndaj në këtë studio. Ajo që ka ndodhur dje është lajm i keq për Shqipërinë. Kjo sepse Berisha është simbol i lirisë dhe pluralizmit për shqiptarët. Edhe sot më rezulton se Berisha është lider pro amerikan, madje për të thënë më pro amerikani në vend e në rajon.

Personalisht, mendoj se PD është parti pro amerikane. Sali Berisha i priu një revolucioni demokratik në Shqipëri dhe ka qenë mik i presidentit amerikan. U prit si askush tjetër në Amerikë dhe priti me madhështi Bushin në Shqipëri, Sali Berisha është njeriu i integrimeve, ka marrë vlerësime të rëndësishme edhe nga administrata amerikane. Berisha nuk është model i politikanit të korruptuar. Mund të ketë pasur njerëz, që kanë qenë pranë Berishës dhe kanë përfituar. Rrufeja bie mbi lisat e gjatë është një shprehje popullore e shqiptarëve dhe ky është rasti ku shprehja gjen vend. Unë kam respekt për Berishën, nuk e fsheh këtë, kjo më bën edhe pro amerikan”, tha Gjerkmarkaj.

Agron Gjekmarkaj theksoi faktin që Berisha është quajtur burrë shteti nga shumë amerikanë që shërbejnë në Shqipëri. Ai hodhi poshtë pretendimet e kundërshtarëve politikë, që pretendojnë për një rol të fortë të Berishës në PD.

“Në kohën që Berisha ishte në pushtet, Kosova u shpall e pavarur. Berisha është quajtur burrë shteti nga ana e shumë amerikanëve që shërbejnë në vendin tonë. Më herët, nuk ka pasur asnjë akuzë ndaj Berishës nga ana e SHBA. Kjo më krijon konfuzion në arsyetim. Unë mendoj se kryetari i PD-së është Basha. Berisha ka rol dekorativ në PD. Kjo është ngjarje e rëndë dhe duhet të reflektojmë e të kuptojmë pse ndodhi.

Po të kthehemi tek 25 prilli, janë zgjedhje të vjedhura, të manipuluara nga inxhinieri elektronike. Çdo gjë në Shqipëri tanimë kontrollohet nga një dorë. Sali Berisha kërkoi transparencë për rastin ku akuzohet dhe ky është guxim. Shoqëria shqiptare meriton transparence për çështjen”, deklaroi Gjekmarkaj.

Deputeti tha se ka pasur abuzime edhe nga ministra të Berishës, duke shtuar se një pjesë bëjnë frikacakun dhe fshihen si skuthë.

“Unë mund ta them se ka pasur abuzime edhe nga ministra të Berishës. Ka një pjesë që bëjnë frikacakun e fshihen si skuthë. Historia shqiptare po nxjerr në dritë se besnikët e Berishës, Ramës, Bashës janë tradhtarët më të mëdhenj”, tha Gjekmarkaj.