Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj pret përfaqësuesin e CDU në selinë blu: I fola për arrestimin politik të Berishës dhe Salianjit

Politiko 8 Tetor 2024, 12:56

Gjekmarkaj pret përfaqësuesin e CDU në selinë blu: I fola

Nënkryetari i grupit të PD, Agron Gjekmarkaj ka takuar në selinë blu përfaqësuesin e CDU-së gjermane.

Në një postim në Facebook, Gjekmarkaj ka ndarë foto nga takimi dhe detaje se për çfarë është diskutuar. Demokrati shkruan se ka informuar Zv.Sekretarin e Përgjithshëm të KAS, Gerhard Wahlers, për arrestimin politik të liderit të opozitës, Sali Berisha, dhe deputetit demokrat Ervin Salianji.

Gjekmarkaj shkruan se ka kërkuar nga përfaqësuesi i CDU të jetë zëri i PD në Gjermani dhe në Evropë.

POSTIMI:

Sot pata nderin dhe kënaqësinë të pres Dr. Gerhard Wahlers, Zv.Sekretar i Përgjithshëm i KAS (Fondacioni Konrad Adenhauer pranë CDU-gjeramane) duke i shprehur gjithë konsideratën e ndjerë për ndihmën që Gjermania i ka dhënë Shqipërisë në rrugëtimin e saj të veshtirë drejt demokracisë dhe Europës!

Personalitetit të lartë i shpreha gjithë shqetësimin tim, të PD-së dhe të shumëkujt në vendin tonë për rrezikun që i kanoset demokracisë e pluralizmit me agresionin që synon zhbërjën e Opozitës!

I shpjegova gjerësisht arrestin politik të Sali Berishës, Ervin Salianjit dhe të drejtuesve të tjerë të opozites mbi të cilët tunden prangat duke gjykuar “mekatet” e tyre në skadencë elektorale si ndihmë e paster për Edi Ramen dhe pushtetin e tij!

Po kaq i shpreha vendosmerinë në emër të PD për të bërë çdo betejë demokratike pa ndalim në emer të ekzistences së pluralizmit, lirive dhe kundër rikthimit të burgosjeve politike! Në Gjermani as mendja më fantazioze nuk do të imagjinonte gjithë lidershipin e Opozitës në burg dhe opoziten me gojën, duart dhe këmbët e lidhura në zgjedhje!

I kërkova mikut të shquar dhe Fondacionit KAS të bëhet si deri më tani,zëri i PD në Gjermani dhe Europë duke u bërë të ditur miqve që para “simpative” zgjedhim ekzistencën, opozitarizmin, përballjen siç qe protesta e djeshme, qendresen ndaj së keqes si shërbim ndaj Shqiperisë dhe vlerave Europiane që KAS, institucion që mban emrin e themeluesit të Europës moderne Konrad Adrnhaurer përfaqëson! Po ashtu i kërkova shtimin e përfaqësuesve të KAS dhe CDU në monitorimin nga afër të ngjarjeve në Shqiperi!

Burgosja e Opozitës dhe Liderit e liderve të saj e ka kthyer Shqiperinë në kohë të errta, liria e tyre e kthen tek e ardhmja!

Të fundit