Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj: Rama mund ta tundë pasaportën si dajre ne autobus, por më 11 Maj do të tundet nga vota e shqiptarëve

Politiko 25 Mars 2025, 19:40

Gjekmarkaj: Rama mund ta tundë pasaportën si dajre ne autobus, por

Drejtuesi politik i PD në qarkun e Lezhës, Agron Gjekmarkaj prezantoi sot në Rubik kandidatin e PD në listën e hapur për deputetë në zgjedhjet e 11 majit.

Gjekmarkaj shkroi në rrjetet sociale se programi i Partisë Demokratike Rubik nuk është vetëm një premtim elektoral, por një angazhim i fortë për investime, infrastrukturë moderne, punësim dhe mbështetje për familjet dhe bizneset vendase.

Sipas tij, kjo qeveri mund të tundë pasaportën si dajre ne autobus sa të dojë, por më 11 Maj do të tundet nga vota e shqiptarëve!

"Me qytetarët e Rubikut, demokratët dhe simpatizantët e Partisë Demokratike.
Sot, në këtë qytet traditash dhe historie, mblidhemi lirisht, me bindje dhe dëshirë për një ndryshim të vërtetë. Qytetarët dëshmuan se besojnë në Partinë Demokratike, programin e historisë së saj dhe fjalën e Sali Berishës, si garanci e fitores dhe të ardhmes evropiane të Shqipërisë. Rubiku ka mbetur pa asnjë investim nga Rilindja! Do të kthehet gjithçka që i takon, rroga, pensione dhe investime.
Në këtë rrugë drejt fitores kemi një përfaqësues të denjë, një intelektual, njeri të ndershëm dhe punëtor, Aleksandër Lala. Është kandidati që njeh problemet dhe nevojat e Rubikut, që ka një plan të qartë për zhvillimin e qytetit.
E përsëris, Programi i Partisë Demokratike Rubik nuk është vetëm një premtim elektoral, por një angazhim i fortë për investime, infrastrukturë moderne, punësim dhe mbështetje për familjet dhe bizneset vendase. Ne besojmë në punë dhe zgjidhje, jo në propagandë dhe fasada!
Ndërkohë, përballë nesh është një pushtet që përpiqet të mbajë veten me forcë, me lista dhe urdhra për të mbushur sallat artificialisht.
Edi Rama nuk mund të mbledhë as me detyrim atë që ju sot e bëtë me zemër dhe besim! Sot jeni shume se besoni te fitorja. Ata vijnë me bilbila dhe daulle, por me daulle do ta përcjellë populli i Lezhës dhe i gjithë Shqipërisë më 11 Maj, tek ikin nga sytë e këmbët.

Dhe kur kryeministri pyet se kë do të votonte Fishta në këtë realitet, përgjigjja është e thjeshtë: jo ai që thotë “Dokrra hinit”

Kjo qeveri mund të tundë pasaportën si dajre ne autobuz sa të dojë, por më 11 Maj do të tundet nga vota e shqiptarëve! 12 vjet Europa na mbajti larg prej kesaj qeverie që na ka zënë rrugën. Pastrimi i rrugës, detyra jonë që do të thotë hyrja në Europë me meritë” shkruan Gjekmarkaj.