Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Gjekmarkaj takon ambasadorin e OSBE: Liria e fjalës shpesh shihet si armik për fajin tonë, jo të organizatave ndërkombëtare

Politiko 11 Tetor 2021, 20:23

Gjekmarkaj takon ambasadorin e OSBE: Liria e fjalës shpesh shihet si armik

Deputeti i PD, Agron Gjekmarkaj ka zhvilluar një takim me përfaqësuesen e OSBE për lirinë në media si dhe Ambasadorin e OSBE në Tiranë, Vincenzo Del Monaco, me të cilët thotë se ka diskutuar ide mbi çështje të lirisë së mediave në vendin tonë.

Gjekmarkaj thotë se sot gazetaret e kanë të vështirë ta marrin informacionin në burim, për shkak se sipas tij lajmi ka funksione propagande, pasi Kryeministri ka Tv personal dhe ka miratuar edhe një agjenci e cila rrezikon po ashtu të shndërrohet në ministri propagande.

Deputeti shton se pas tridhjetë vitesh në tranzicion prej politikes së vjeter dhe autoritariste liria e fjales shpesh shihet si armik per fajin tonë dhe jo të organizatave ndërkombëtare.

Postimi i plotë:

Sot pata nderin të takoj zonjen Teresa Ribeiro, Perfaqësuese e OSBE për lirinë në media si dhe Ambasadorin e OSBE në Tiranë shkelqesinë e tij Vincenzo Del Monaco me të cilet shkembeva pikamje dhe ide mbi çeshtje të lirisë së mediave në vendin tonë !

U shpreha atyre keqardhjen se sot një Konferencë e rendesishme për gazetarinë kritike nën kujdesin e OSBE u bë nën ombrellen e Qeverisë ku spikati Kryeministri i vendit dhe ministra të tij ndersa perfaqesues të Opozites moren ftesa pa emer si degjues sa përctë mbushur sallen ! Po ashtu u shpjegova se historikisht në Shqiperi pavaresisht në ka qeverisur e djatha apo e majta problemi kryesor ka qënë qeveria në raport me mediat fjalen dhe lirinë, por asnjëhere si në keto vite lajmi ka funksione kryekeput propagande , ky Kryeministri ka Tv personal dhe po kaq ka miratuar edhe një agjensi e cila rrezikon të shnderrohet në ministri propagande ndonese ne e këmi një agjensi shteterore lajmesh ! Lajmet dalin të paketuara e të ambalazhuara siç i do Kryeministri .

Gazetaret e kanë të veshtirë ta marrin informacionin në burim. Gjithaq problematike është situata tek AMA ku në shkelje të ligjit u zgjodh zedhenesja e PS në krye të ketij institucioni me një proçedure ndertuar mbi insistim dhe sherbestari politike .

Po ashtu mazhoranca në menyrë golpiste ka uzurpuar keshillin mbikqyres së RTSH i cili duhet me urgjence të kthehet në legalitet e funksionim, duke i rikthyer sipas formules Opozites vëndet e saj. Gjithashtu informova miqte për situaten në media ku një pjese e konsiderueshme e tyre janë nën diktat prej mardhenieve të terthorta apo të drejtperdrejta interesi që kanë me Qeverine .

Ligji antishpifje tundet here pas here mbi horizontin mediatik më shumë si kercenim sesa nevojë për vete rregullim në sfidë të vazhdueshme me nevojat e komunitetit dhe të perspektivave të lirisë. Mora premtimin e Zonjes Ribeiro për një monitorim thelbesor të çeshtjeve të ngritura dhe e sigurova atë se në cilesinë e Kryetarit të Komisionit parlamentar të edukimit dhe medias si perfaqesues i Opozites shqiptare do të jem dhe do të jemi vigjilent ndaj çdo kercenimi të lirisë së opinionit dhe nevojave të punetorve të saj !

Ne jemi pas tridhjetë vitesh në këtë pike si shoqeri në tranzicion prej politikes së vjeter dhe autoritariste ku liria e fjales shpesh shihet si armik per fajin tonë dhe jo të organizatave nderkombetare për mbeshtetjen e te cilave kemi shume nevoje si arbitrazh bazuar mbi parime demokratike dhe jemi krejt të hapur !