“Gjeli i Agrares”, Duka i përgjigjet Ramës: O robo, vezët e mija të pëlqenin, je burrë me një 'R'

Kreu i PPA, Agron Duka

Kreu i PAA-së, Agron Duka ka reaguar pas 'sulmeve' të kryeministrit Edi Rama në adresë të tij. Ky i fundit tha se sot se "në pritje që Luli ta ribëj pakëz ministër Bujqësie, meqë Agroni si gjeli i Agrarës përfaqëson aq pula, zogj dhe vezë saqë për kotec i shkon vetëm ministria e Ushqimit".

Duka thotë se nuk habitet nga këto deklarata, ndërsa shton se Rama "është burrë me një 'R'". Sipas Dukës, Rama për 8 vjet ka thënë batuta dhe përalla.

"O robo, vezët e mija të pëlqenin derisa ti fillove të haje gjellën e prishur që Departamenti i Shtetit e quan NON GRATA. Nuk habitem më, kështu burri je, me një " R " tjetrën nuk e ke merituar kurrë.

Po nuk ke faj ti jo, të ka ngecur veza keq. 8 vite përralla e batuta janë mjaft për ty, ndoshta edhe për ata me të cilët “vrave” Partinë Socialiste, por jo për shqiptarët. Të ka dalë boja robo, s’ka 3D që të shpëton....", shkruan Duka në Facebook.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm