"Gjimnazit “Sami Frashëri” i është tjetërsuar pronësia", Kryemadhi publikon dokumentet: Unë e mbaj fjalën! Rastin ta hetojë Prokuroria

Kryetarja e LSI-së, Monika Kryemadhi ka akuzuar Bashkinë e Tiranës se ka lejuar tjetërsimin e pronësisë së tokës ku ishte ngritur gjimnazi “Sami Frashëri”.

Kryemadhi ka vendosur t’ju qëndroj akuzave ndaj kryebashkiakut Veliaj, duke publikuar disa dokumente, të cilat sipas saj, vërtetojnë ndryshimin të pronësisë së “Sami Frashërit”.

Në dokumentet e publikuara vihet re se prona e regjistruar në emër të Bashkisë në 21.4. 2020, ka kaluar në emrin e bashkëpronarëve me të citët figuron aktualisht e regjistruar në 28.10.2020.

Më tej, kryetarja e LSI-së shton se ky rast duhet të hetohet nga prokuroria.

“Monika Kryemadhi shquhet si politikania që thotë gjithnjë të vërtetën, e rëndësishme për mua është që të t’ju shërbej më mirë qytetarëve. Unë për vetë kam studiuar te “Petro Nini”, ajo është e vetmja shkollë që nuk i është prekur oborri. Sa i përket “Sami Frashërit” Monika ka thënë të vërtetën nuk ka gënjyer. Në mars qeveria mori vendim që shkollën “Sami Frashëri” dhe një listë çerdhesh t’ia kalojë në pronësi Bashkisë së Tiranës, pas një periudhe të gjatë disa vjeçare në 2020 regjistrohet prona më 24/4/2020 në pronësi të Bashkisë.

Ndërsa në datë 28/10/2020 e printojmë sërish ekstraktin dhe pronar nuk na del më Bashkia Tiranës, por një listë pronarësh. Se si është e vërteta këta ta gjejë Prokuroria. Unë faktet nxjerr, s’jam prokurore. Jashtë është varur një tendë që thotë se kjo shkollë për studim dhe projektim do të kushtojë 5 milion euro pa tvsh, ne s’kemi NIPT ndërtimi, por ka njerëz të ndershëm në PS dhe qytetarë që faktojnë se shkolla s’është tenderuar dhe as është shpallur fituesi as për këtë studim tenderim. Thonë këta që shkolla është pjesë e fondit të rindërtimit që do financohet nga BE, por kjo nuk është fare në listën e shkollave që ka përcaktuar BE.

Monika Kryemadhi nuk gënjen, e mban fjalën, nuk është shquar për politikë të madhe, as për modernizëm, as sikur bën qametin, por midis Erionit e Ramës, qytetarët më zgjedhin mua. Ua shpëtova shkollën Samistëve, Ilirit Lulëzimit, Ben Blushit. Se shkollën ua prishi, ua rrënoi Lali e aty rrezik do ndërtonte ndonjë qendër multifunksionale me kulla sipër siç e ka zakon. Kur guxon të ndryshojë pronësinë e “Sami Frashërit” imagjinoni çfarë bën me banorët në Kombinat ,në Vorë e Shijak”, tha Kryemadhi.

Më poshte dokumentet e publikuara nga Kryemadhi:

Dokumenta bashkëngjitur