Gjinushit i mbaron mandati, Zhupa: Pirueta pushteti do t’i sigurojë një të dytë antikushtetues

Skënder Gjinushit i përfundon sot mandati në krye të Akademisë së Shkencave. Deputetja demokrate Ina Zhupa me një reagim në Facebook, shkruan se qeveria do t’i sigurojë një të dytë në mënyrë antikushtetuese.

Zhupa thotë se dy deputetët socialistë, Petro Koçi dhe Ismet Beqiraj, të presionuar nga Gjinushi kërkojnë votim të një projektligji sot në 11:00, pa diskutime, me qëllim që t’i dhurojnë një mandat të dytë Gjinushit.

Zhupa shkruan se raporti i përgatitur nga dy deputetët e Ramës është në konflikt interesi, pasi bashkëpropozues është edhe vetë Gjinushi, i cili kërkon mandat tjetër.

Postimi:

Sot Skënder Gjinushit i mbaron mandati në krye të akademisë dhe me pirueta pushteti do të siguroj një të dytë antikushtetues.

Që dje deputetët Petro Koçi dhe Ismet Beqiraj të presionuar nga kryetari pa mandat Skënder Gjinushi, të vënë pas murit nga interesat e tij kërkojnë ta kthejnë kuvendin në shkelës të ligjit, si noter i ambicieve klaniste.

Me një kërkesë të paprotokolluar, të pa arsyetuar nuk mund të mblidhemi jashtë programit të komisionit, tentojnë ti shkatërrojnë parlamentarizmin.

Kërkojnë votim të një projektligji sot në orën 11:00, pa diskutime!

Votim smund të ketë kur

1- Relacioni është i pasaktë dhe me mashtrime.

2- Projektligji vjen hapur në konflikt interesi, ku bashkë propozuesi Gjinushi, e kërkon për mandatin e tij

3- Akademia e Shkencave hyn në zgjedhje sipas statutit me mbarimin e mandatit të kryetarit.

4- Ka 3 kërkesa proceduriale në organet e kuvendit për këtë çështje.

5- Ska një sqarim shterues mbi peticionin e 52 akademikëve, na sillet për një vendim të 2022, dhe sot jemi në kushtet të tjera të zgjedhjeve në akademi. Duhet një dëgjesë me ta.

Ne jemi deputet që duhet të na shqetësojnë hallet e qytetarëve dhe jo hallet e karrierës 30 e ca vjecare të ish ministrit të diktaturës.

Ndaloni palacollëkun dhe maskarallëkun!

Respektoni rregulloren dhe ligjet. Paguheni nga taksat e qytetarëve, jo nga borderoja e Gjinushit!