Flash News

Ditari i Opozitës

GjL rrëzoi rekurset e Berishës dhe Malltezit, Muçollari: S'ka shpresë për drejtësi në asnjë instancë

GjL rrëzoi rekurset e Berishës dhe Malltezit, Muçollari:

Anëtari i Kryesisë së PD, Grigels Muçollari reagoi pas vendimit të Gjykatës së Lartë e cila rrëzoi kërkesën e Sali Berishës dhe Jamarber malltezit.

Përmes një postimi në rrjetet sociale, Muçollari e cilëson vendimin e GJL si dëshmi se nuk ekziston shpresa për drejtësi. 

"Vendimi i sotëm i Gjykatës së Lartë është një dëshmi se nuk ekziston shpresa për drejtësi në asnjë instancë, dhe se prokuror e gjykatës i çdo niveli në Shqipëri është i ngjashmi i Edi Ramës. Gjykata e Lartë duhej të ndalonte sot absurdin juridik të mbajtjes në arrest të liderit të Opozitës, Sali Berisha, pa asnjë provë, pa asnjë dëshmi, pa asnjë akuzë.


Por kjo nuk ndodhi, duke thelluar edhe më shumë padrejtësinë dhe përndjekjen politike të kundërshtarit, në një regjim të kontrolluar çdo ditë e më shumë nga Edi Rama. 6 muaj arrest për liderin e Opozitës ishin gjurma e pushtetit në drejtësi dhe një damkë e rëndë për vendin anëtar në NATO dhe kandidat për anëtarësim në BE.

Kjo damkë vijon edhe pas ditës së sotme, pasi Gjykata e lartë humbi rastin të dëshmohet se është zbatuese e ligjit dhe jashtë ndikimit të qeverisë. Vendimi i sotëm është një ftesë për qytetarët e demokratët që të rezistojnë edhe më shumë, e të mos e lëmë vendin të bjerë në greminën kur drejtësinë e jep njeriu që është identifikuar si burimi më i madh i korrupsionit në vend, dhe që ka lidhjet më të rrezikshme me krimin’’, shkruan Muçollari.

Të fundit