Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Godole: PD nuk frymëzon më njeri sot, ka krizë idesh

Politiko 24 Mars 2022, 21:46

Godole: PD nuk frymëzon më njeri sot, ka krizë idesh

Anëtarja e Kryesisë së PD, Jonila Godole ka zbardhur më shumë detaje nga mbledhja e djeshme e Kryesisë së PD, e mbajtur herë të parë pas dorëheqjes së Lulzim Bashës.

E ftuar në Opinion, ajo thotë se në fokus të debatit të në mbledhje ishte bashkimi i PD dhe si do të bëhet ky proces mes palëve që deri tani kanë shkëmbyer akuza të forta mes tyre.

“Debatet nuk janë për dyert e blinduara, është diçka simbolike, por nuk është më e rëndësishmja.

Si do ndodhë bashkimi i PD? Që të ndodhë ky bashkim kur palët ia kanë thënë njëra tjetrës gjërat më të këqija, nuk është e lehtë. Do një klimë në të cilën të vijnë njerëzit e të ulen në bisedime.

Debati që ka qenë dje në Kryesi si do ndodhë kjo ulje në tavolinë, si do ndodhin negociatat. Bëhet fjalë për kushtet, këtu u fokusua debati, apo a ka vija të kuqë që nuk mund të kalohen, janë ato që kanë prodhuar nga 9 shtatori deri sot një krizë artificiale në PD. Kriza e vërtetë është kriza e ideve se pse PD është larguar nga shinat e saj dhe është kthyer në parti që nuk është burim frymëzimi.

PD që nga shtatori merret me krizën artificiale, e krijuar pas non gratës e përjashtimit të Berishës dhe më pas u krijuar një krizë në funksion të një personi. PD nuk frymëzon më njeri sot”, tha Godole.

E pyetur se cila ishte vija e kuqe e përmendur në mbledhjen e Kryesisë, Godole thotë se një person ‘non grata’ nuk mund të marrë drejtimin e partisë.  

“Një person non grata nuk mund të jetë në drejtimin e partisë, e ka miratuar Kuvendi Kombëtar. Në negociata kur ulen palët ka kushte.

Vijat e kuqe janë në statut. Duhet të mblidhet Kuvendi që për hir të bashkimit”, u shpreh Godole.

 

Të fundit