Flash News

Integriteti i BE-së në Shitje: Edicioni i Tiranës

Ditari i Opozitës

Goxhaj kallëzon Ramën në SPAK: Ka konsumuar kundravajtje penale, akuzë për reklamimim të materialeve pornografike

Politiko 28 Prill 2025, 11:50

Goxhaj kallëzon Ramën në SPAK: Ka konsumuar kundravajtje penale,

Avokati Altin Goxhaj, kandidat i koalicionit PD – ASHM në Tiranë, ka kallëzuar penalisht në SPAK kryeministrin Edi Rama, për thirrjen që u bëri minorenëve gjatë një takimi elektoral.

Goxhaj tha se bëhet fjalë për rastin kur Rama u kërkoi fëmijëve të një gjimnazi të shohin fotot e tij nudo të tij në Google.

Goxhaj thekson se kjo është një veprim që përbën reklamim të materialeve pornografike.

“Une jam këtu në SPAK, kam sjellë kallëzimin, ku tekstualisht thuhet: linku në sekonda ku Edi Rama ka folur dhe ka thënë fëmijëve të vegjël.

Kemi videon në faqen e tij, pra ky nuk është një pretendim i jonë, ky është një fakt, ne kemi sjellë faktin, tek neni ku recitohet fakti, ku thuhet reklamimi i materialeve.

Quhet reklamim kur kryeministri i thotë fëmijëve të vegjël: futuni në Google dhe kontrolloni për: “Rama nudo” dhe aty do më shikoni, dhe i bën ca morale që s’ka asgjë të keqe që ai të dalë lakuriq.

Dhe këto foto po t’i shikojmë, në çdo lloj forme, në çdo lloj pamje, quhen materiale pornografike.

Mjafton të futesh në një faqe pornografike dhe sheh material të ngjashëm, kjo është faqja e Edi Ramës që është tashmë një faqe pornografike.

Faqja zyrtare e Partisë Socialiste është një faqe pornografike sepse aty ku thuhet pikërisht shkoni dhe kërkoni fotot e mia nude, i thotë fëmijëve të vegjël, ky ka konsumuar kundravajtjen penale.

Nuk e di çfarë duhet të bëjë më shumë një SPAK për ta trajtuar këtë çështje, por sikur edhe Prokuroria e Tiranës për shkak të kompetencës së mund të quhet kundravajtje penale.

Edi Rama nuk ka kërkuar asnjëherë ndjesë për fëmijët e vegjël, ai ka thënë ‘nuk kishte fëmijë’, por fëmijët janë aty, fëmijët janë 16 vjeç, 14 vjeç, 13 vjeç, janë djem dhe vajza, domethënë në të dyja rastet ai ka konsumuar..

Dhe unë nuk e kuptoj dot një votues socialist, që ka një vajzë në shtëpi që do të votojë për një person që i thotë fëmijëve të vegjël: futuni në Google dhe shikoni fotot e mia pornografike”, deklaroi Goxhaj.

Të fundit