Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

‘Greqia do zgjerohet në 12 milje’/ Berisha: Marrëveshja që do nënshkruajë Rama më e pafavorshme se ajo e jona

Politiko 28 Nëntor 2024, 20:20

‘Greqia do zgjerohet në 12 milje’/ Berisha: Marrëveshja

Kryetari i PD, Sali Berisha nënvizoi angazhimin e PD-së për të forcuar këto marrëdhënie dhe përmend traktatin e miqësisë mes dy vendeve, të nënshkruar gjatë presidencës së tij, si një bazë për zgjidhjen e problemeve dhe ndërtimin e bashkëpunimit të qëndrueshëm.

Ai kritikoi ashpër qëndrimet e Edi Ramës për çështjen e detit me Greqinë, duke i quajtur të papërgjegjshme dhe të dëmshme për interesat shqiptare. Berisha theksi se marrëveshja e detit e arritur nga qeveria e tij ishte e drejtë dhe transparente, duke sjellë përfitime për të dyja palët. Lideri demokrat, Sali Berisha akuzoi Ramën se, për arsye politike, e rrëzoi këtë marrëveshje në Gjykatën Kushtetuese dhe dështoi në negociatat pasuese.

Sipas Berishës, kjo mungesë serioziteti i qeverisë shqiptare i dha mundësi Greqisë të zgjerohej në 12 milje, një veprim në përputhje me të drejtën ndërkombëtare, por i pafavorshëm për Shqipërinë. Marrëveshja e re që po përgatitet për nënshkrim cilësohet si shumë më e pafavorshme, për shkak të papërgjegjshmërisë dhe mungesës së profesionalizmit nga ana e qeverisë aktuale, shtoi Berisha ndër të gjitha.

Berisha: Mund të them se të gjitha qëndrimet e Edi Ramës janë të papërgjegjshme në raport me fqinjët tanë.
Së pari, ai injoroi totalisht traktatin për shkakun e vetëm se ishte firmosur nga qeveria e PD.
Së pari, qeveria e PD arriti të firmosë marrëveshjen e detit me Greqinë dhe unë u them ju se ajo marrëveshje ishte, siç quhet, fitim-fitim, pra fitonte secila palë.
Ajo ishte një marrëveshje e ndershme, transparente, të cilën Edi Rama e paditi në gjykatë, dhe pasi e rrëzoi në gjykatë për interesa joshqiptare, u soll në mënyrën më të papërgjegjshme me autoritetet greke.
Pasi negociuan katër vite me radhë, një ditë të bukur dalin e u thonë, tani nuk na lë vendimi i Gjykatës Kushtetuese.
Kush humbi në këtë mes? Humbi Shqipëria.
Pse humbi Shqipëria? Sepse mungesa e plotë e seriozitetit të qeverisë së Tiranës, bëri që qeveria greke, e cila kishte qëndruar për dekada në hapësirën 6 milje të ujërave territoriale, në përputhje me traktatin ndërkombëtar, kaloi në 12 milje. Dhe këtu Greqia nuk shkeli asnjë traktat, përkundrazi Greqia shfrytëzoi atë të drejtë ndërkombëtare që i jep traktati i detit.
Ishin këta që negociuan katër vite dhe thanë se ne nuk na lejon vendimi i Gjykatës Kushtetuese.
Sigurisht asnjë qeveri, edhe unë po të isha, do të bëja të njëjtin vendim. Do merrja të njëjtin vendim.
Atëherë Greqia shfrytëzoi të drejtën e traktatit dhe kaloi në 12 milje.
Kështu që marrëveshja që do firmoset, firmoset në kushte shumë të pafavorshme se marrëveshja e parë.
Kjo për shkak të papërgjegjshmërisë së Tiranës.