Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Greva e naftëtarëve të Ballshit, ish-Ministri: Privatizimi është zgjidhja! Mos u mendoni gjatë, por veproni si amerika e Obamës

Politiko 28 Tetor 2020, 11:39

Greva e naftëtarëve të Ballshit, ish-Ministri: Privatizimi

Foto Ilustruese

Ish-ministri i Bujqësisë, Edmond Panariti, ka dhënë një zgjidhje për problemin e naftëtarëve, me qëllim që këta të fundit të dalin nga greva para se të përkeqësohet më tej situata.

Panariti i sygjeron qeverisë që të shtetëzojë sërish rafinerinë e Ballshit, e cila që nga marsi i 2018 ndodhet nën administrimin e kompanive “Tosk Energji” dhe “Bylis Energji”, shoqëri këto të regjistruara në parajsat fiskale.

Sipas Panaritit, zgjidhja është shtetëzimi përkohësisht për ta nxjerrë nga falimenti dhe më pas riprivatizim.

“Tu premtosh naftëtarëve dhe familjarëve të tyre, se zgjidhja e detyrimeve ndaj tyre do të vijë nga kërkimi për investitorë që të ngrenë në këmbë një ndërmarrje të falimentuar nga keq administrimi si Rafineria në Ballsh, është utopi e pastër. Nuk funksionon!”, shprehet Panariti.

Kujtojmë se, ligjërisht Rafineria e Ballshit përket kompanisë “Armo”, e cila e ka 85% të aksioneve ndërsa 15 % i përkaisn shtetit shqipatr. Kompania “Armo” është e zhytur në borxhe ka një seri sekuestrosh nga kreditorët e saj. Nga viti 2013 dhe më pas, asetet e ARMO-s perfshi rafinerinë e Ballshit dhe të Fierit janë dhënë me qira tek kompani ofshore.

Reagimi i plotë i Panaritit:

Naftëtarët, gratë dhe familjet kërkojnë zgjidhje të shpejtë!

Kjo nuk është më çështje diskutimi, por ndërhyrje e menjëhershme shtetërore!

Tu premtosh naftëtarëve dhe familjarëve të tyre, se zgjidhja e detyrimeve ndaj tyre do të vijë nga kërkimi për investitorë që të ngrenë në këmbë një ndërmarrje të falimentuar nga keq administrimi si Rafineria në Ballsh, është utopi e pastër.

Nuk funksionon!

Mos kërkoni më gjatë, për zgjidhje por veproni si Amerika e Presidentit Obama, e cila në vitin 2009 shtetëzoi përkohësisht gjigandin Amerikan të Automobilave "General Motors" , i cili ashtu si rafineria jonë e Ballshit kishte shpallur falimentin.

Në këtë mënyrë shteti Amerikan bleu dhe kontrolloi 60 përqind të aksioneve të kompanisë duke mundësuar ristrukturimin e saj nëpërmjet Bankave dhe duke e nxjerrë nga gropa kompaninë për ta kaluar në fitim pas një viti.

Më pas u gjetën investitorë për riprivatizim.

Por Amerika e Presidentit Obama me këtë veprim mori përsipër edhe detyrimet ndaj mijëra punonjësve dhe familjeve për ti mbrojtur ata nga flakja në rrugë.
Kjo është zgjidhja, por për këtë duhet kurajo dhe jo demagogji.