Hajdari zbulon partinë për cilën do të garojë në 25 prill: PD-ja bëri mirë që ndryshoi qëndrimin për hapjen e listave

Deputetja e opozitës parlamentare, Rudina Hajdari ka pranuar se do të marrë pjesë në zgjedhjet e ardhshme si përfaqësuese e partisë së re politike Nisma.

Në një intervistë për rubrikën “Opinion” në News 24, e pyetur se a do ta mbështes PD, Hajdari i është shmangur një përgjigje direkte, duke shtuar se “ata bën mirë që se ndryshuan qëndrimin për hapjen e listave”.

Referuar qëndrimit të Palokës se 5 partitë e reja të krijuara kohët e fundit, u krijuan për t’i shërbyer Ramës, Hajdari përgjigjet se “kjo historia se ekzistojnë vetëm 2 parti duhet të përfundojë.”

A do t’ju mbështes PD?

Mendoj se ata bën mirë se e ndryshuan qëndrimin për hapjen e listave, sidomos kur kryetari i saj vazhdonte e apelonte që në 2017 që listat duhet të jenë të hapura. Ishte një qëndrim suprizë në moment të fundit, por që ishte vendimi i duhur.

Megjithatë, më vonë në qëndrimin e opozitës jashtëparlamentare si në parlament dhe Këshillin Politik nuk pash ndonjë vullnet të hekurt, për të qenë më të vendosur përsa iu përket ndryshimeve.

Kam shumë besim që qytetarët nesër do t’i ndërshkojnë këto dy parti të cilat publikisht përplasen me njëra tjetrën, mirëpo nga ana tjetër veprojnë bashkë.

A jeni juve pjesë e atyre 5 partive të vogla të krijuara që përmendi zoti Paloka pak ditë më parë?

Kjo historia që ekzistojnë vetëm 2 parti, mund të gjithë pluralizmin. Nëse ti nuk je pjesë e një bande apo tjetrës t’i nuk je në arenën politike. Kjo histori duhet të mbarojë sepse ka shumë njerëz që duan të kontribojnë dhe kanë dëshirë për t’i bërë gjërat shumë më mirë për këtë vend sepse gjërat po shkojnë keq e më keq. Ndaj është e rëndësishme që ne të krijojmë hapësira demokratike ku gjithsecili të ketë mundësinë për të kontribuar.

Pse ndodhin këto gjëra? Duke qenë se fryma demokratike brenda partive u mbyt, nuk ka më shancin njeri që të ketënjë mendje të pavarur. Ajo që është e rëndësishme është parimi dhe duke vrarë parimin demokratik brenda partive, këta i garantojnë vendit vetëm një gjë; që kushdo që të vijë nesër në qeveri do të jetë po aq autokratik me partinë e tij.

Nëse ju e humbisni betejën për të cilën keni kohë që luftoni, si do t’ja krijoni ju vetes mundësinë për të kontribuar në politikë?

E rëndësishme është që ne të bashkohemi në këtë ide dhe të dalim nesër për të kuptuar se çfarë po ndodh sot. Çdo qytetar e ka të drejtën e të zgjedhurit dhe duhet të jetë vigjilent që taksat e tyre vidhen, nuk menaxhohen nga këta njerëz.

Si do të hyni në zgjedhje?

Po me partinë e re, padyshim.

Si do të quhet partia e re? Jeni shpresëplotë që do ta fitoni këtë betejë?

“Nisma”. Jam shpresëplotë që qytetarët do të më japin shancin që unë nesër të zgjidhem bashkë me të tjerë që kanë merita në bazë të platformës që do të ndërtojmë se bashku, duke i dhënë shancin për t’i ndryshuar gjërat që ndodhin në prapaskenë nga dy parti të vjetra, nga dy banda të vjetra që operojnë në prapaskenë. Ndaj sot është momenti i rëndësishëm që qytetarët të përkrahin lëvizje si kjo.

Shpresojmë që qytetarët të mbështesin partinë tonë e cila është pro institucioneve të forta, negociatave dhe në mbështetje të parimeve perëndimore që ne faremirë i pranojmë gjatë tryezave me ndërkombëtarët, por që nuk i zbatojmë.