Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Ditari i Opozitës

Hetimet për Metën, avokati: SPAK me agjendë politike

Politiko 29 Maj 2025, 10:30

Hetimet për Metën, avokati: SPAK me agjendë politike

I ftuar në emisionin e mëngjesit, në Syri tv ka qenë Kujtim Cakrani,  avokat i Presidentit të Partisë së Lirisë Ilir Meta, ku ka  dhënë komentet e tij pas kalimit për gjykim të dosjes së Metës.

Kujtim Cakrani: Përfunduan zgjedhjet dhe normalisht s’ka më interes që të vazhdojnë hetimet ndaj zotit Meta. Dhe kështu agjenda e prokurorisë që edhe Meta e ka shprehur, qenka në agjendën e politikës dhe kjo qenka për të ardhur keq.

Por gjithsesi beteja e zotit Meta do të vazhdojë. Ai edhe përpara prokurorëve para dy ditësh, ju tha edhe sikur ju do ta mbyllnit këtë çështje unë nuk do tu lejoja, sepse dua të përballem në gjykatë dhe me të gjithë malin e akuzave që ju keni bërë. Me malin e të gjitha shpifjeve që keni bërë ndaj meje dhe dua që të përballem në gjykate edhe me personat që mendohet se janë dëshmitarë apo ata që kanë dijeni për këto fakte që prokuroria mendon që janë vepra penale. Dhe kështu që jemi ne këtë moment procedurial që hetimet nuk kanë përfunduar akoma.

Thjesht i është komunikuar akuza dhe është marrë i pandehur por akoma nuk kemi aktin përfundimtar të përfundimit të hetimeve që të na japë edhe ne mundësinë që të bëjmë kërkesat tona në bazë të dispozitave të kodit të procedurës.

Flavio Qarri: Edhe mediat prane qeverisë fajësojnë zotin Meta, por ka edhe emra të tjerë të ish LSI. Ka një gjë që nuk shkon këtu?

Kujtim Cakrani: Unë dua të rezervohem për të dhënë më shumë detaje pasi çështja është në hetim akoma. Unë nuk dua të përmend emra këtu. Unë dua të flas vetëm juridikisht dhe të flas që janë tre akuza që rëndojnë mbi zotin Meta aktualisht. Është akuza e famshme CEZ - DIA që qenka regjistruar që kur ka qenë prokuroria për krime të rënda dhe pas shkrirjes së saj dhe lindjes së SPAK, i rilind prapë u regjistrua nga SPAK në vitin 2019. Dhe fatkeqësia është që në kohën që Presidenti Meta ka qenë President i Republikës, prokuroria në kundërshtim me dispozitat ligjore dhe kushtetutën, ka kryer veprime proceduriale që në fakt bien ndesh me procedurën sepse kur personi është në detyrën si ish president ai duhet te ketë dijeni por edhe te pyetet. Ata kanë bërë veprime në kundërshtim me ligjin pa dijeninë e presidentit dhe kështu kanë kryer edhe ata shpërdorim të detyrës.

 Gjithsesi, ky është një moment që SPAK-un s’ka kush ta kontrollojë, SPAK-un s’ka kush ta hetojë s’ka kush tu kërkojë llogari, sepse këtu ju e dini se vetëm një ju kërkon llogari të tjerët nuk i pyesin fare. Për sa i takon çështjes së lobimit, duhet kuptuar shumë mirë që aty nuk  ka vepër penale. Ato janë thjesht biseda kafenesh të marra.

Dhe ata i kanë marrë këto dhe i kanë materializuar në akuza. Dhe për të mos dhënë pastaj pjesën tjetër, deklarim, mosdeklarim, këto probleme të natyrës familjare që zoti Meta mund të mos ketë patur fare dijeni për veprimet që mund të kenë kryer familjarët e vet. Sepse deklarimet ai nuk i bënte vetë.

I bënte bashkëshortja me anë të noterit dhe kështu me radhë. Janë disa vepra penale që ai akuzohet por që ne fakt ato do të çmontohen në momentin që do dalin para gjykatës dhe padyshim edhe dëshmitë aty do të jenë transparente sepse do të jete një gjyq publik.

Të fundit