Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Himara ishte sinjal", Burimi: PS ka avantazh të dukshëm me burimet shtetërore

Politiko 19 Gusht 2024, 17:53

"Himara ishte sinjal", Burimi: PS ka avantazh të dukshëm me

Analisti Genc Burimi i ftuar në News 24, ka komentuar situatën politike në vend, tha se është i paqartë nëse vota e diasporës do të jetë masive, duke theksuar se për të bërë revolucionin e shpesh përmendur nga opozita nuk është e nevojshme një vullnet masiv i popullit.

Sipas tij, me burimet shtetërore në përdorim të partisë në pushtet, PS ka një avantazh të dukshëm për të fituar sërish zgjedhjet.

Në lidhje me opozitën dhe mundësinë e formimit të një qeverie teknike, Burimi ka shprehur dyshime të forta.

“Zgjedhjet në Himarë dhanë një sinjal se mazhoranca e tanishme nuk ka marrë fund. Gjithçka është ende herët dhe do të vendoset shumëçka nga zgjedhjet në SHBA,” tha ai.

Ai ka komentuar gjithashtu lidhjen midis liderëve të opozitës, Sali Berishës dhe Ilir Metës. Sipas Burimit, Berisha ka më pak nevojë për Metën tani se sa më parë, dhe ndonëse mund të ketë një marrëveshje elektorale, kjo do të jetë ndoshta e ndarë sipas peshës elektorale.

“Sot, PD nuk ka një program të qartë dhe nuk ka emra të përgatitur për pozita të rëndësishme si ministra apo kryeministër. PD duket e fokusuar më shumë në kritikën e dosjeve sesa në zhvillimin e një platforme të qëndrueshme.

Nëse vota e diasporës do jetë një votë masive ende nuk dihet. Për të bërë revolucion nuk ka nevojë për vullnet të popullit. Puçet bëhen me pak njerëz. Në këto kushte PS do të fitojë sërish zgjedhjet pasi burimet shtetërorë janë në përdorim të partisë në pushtet. Nëse nuk i braktisin zgjedhjet, atëherë kjo opozitë con mesazhin se do të bëhen gjullurdira. Perëndimi nuk ka interes për tensione pasi ka shumë pika të nxehta në botë. Perëndimi sot po e ha karotën e presionit, sepse është në pritje të zgjedhjeve në SHBA. Nëse fiton Trump nuk ka më xhandar botëror.

A do arrijë opozita të marrë qeverinë teknike? Nuk e besoj. Zgjedhjet në Himarë dhanë një sinjal se kjo mazhorancë nuk ka marrë fund. Gjithçka është ende herët dhe do të vendoset shumëçka nga zgjedhjet në SHBA.

Sot Berisha ka më pak nevojë për Metën se sa kishte më parë. Sot ka logon dhe vulën Meta nga ana tjetër ka nevojë për Berishën dhe sidoqoftë mund të ketë një marrëveshje elektorale, por besoj se këtë herë do jetë e ndarë sipas peshës elektorale. Sot PD nuk ka një program dhe nuk ka emra se cilët mund të jenë persona për të qenë ministra apo kryeministër. PD sot e shoh shumë të okupuar me dosje kritikuese”, tha Burimi mes të tjerash.