Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Himçi akuza qeverisë dhe kompanisë ANK për shembjen e Korridorit 8: Papërgjegjshmëri dhe korrupsion

Politiko 24 Shkurt 2026, 17:30

Himçi akuza qeverisë dhe kompanisë ANK për shembjen e

Deputeti i Partisë Demokratike për qarkun e Elbasanit, Blendi Himçi, e ka cilësuar situatën e krijuar pas shembjes në segmentin e Korridorit 8 si “katastrofike”, duke akuzuar qeverinë për papërgjegjshmëri dhe korrupsion në menaxhimin e projekteve infrastrukturore.

Në një lidhje direkte për Syri Tv, Himçi tha se ngjarja nuk është pasojë e faktorëve natyrorë, por e neglizhencës shtetërore dhe mungesës së kontrollit ndaj kompanive që operojnë në zonë.

Himçi theksoi se dëmi i shkaktuar ka ndërprerë lidhjen mes bashkive Elbasan dhe Prrenjas, duke prekur të gjithë Korridori 8, një arterie që lidh vendin me pikat kufitare të Qafë Thanë dhe Kapshticë.

Deputeti drejtoi akuza të drejtpërdrejta ndaj kompanisë ANK, e cila sipas tij ka fituar lot në projektin e Korridori 8 dhe ka gërryer në mënyrë të paligjshme shtratin e lumit Shkumbin për nxjerrjen e zhavorrit.

“Situata është katastrofike. Domethënë, është, do të thoja, pjesë e papërgjegjshmërisë së kësaj qeverie, fytyra e papërgjegjshmërisë së qeverisjes tonë, e vetë kryeministrit, i cili faktikisht konstatoi që janë ngjarje natyrore dhe që rrjedhin si të tilla edhe në Itali, rrezikohet zhdukja e një qyteti të tërë për shkak të shembjeve. Por ne nuk jemi aspak në këtë lloj situate. Ne jemi në një situatë katastrofike do të thoja, sidomos për qarkun e Elbasanit, por patjetër edhe për qarkun e Korçës.

Dhe kjo ka sjellë një dëm kolosal, do të thoja, dhe nuk, në një vend që aspiron për Bashkimin Europian mos kesh një arterie alternative, domethënë kjo është e tmerrshme. Domethënë duhet, dy mënyra duhet të kesh, ose duhet të kalosh në një rrugë që nga Moglica për të shkuar në Gramsh, ose duhet të marrësh nga Bllata për të shkuar në Tiranë.

Unë jo më shumë se sa sot kam nxjerrë një video bashkë me disa foto, ku konstatohet, do të thoja, marrja, nga kjo firmë, ANK quhet, që ka, e cila ka fituar lotin ëh, nga lotin përkatës për korridorin e tetë, për rrugën e re që po bëhet, dhe realisht, duke marrë zhavorr në lumë, 10 ditë kjo, i filmuar duke 10 ditë përpara në të njëjtin vend, ku merresh i gjithë shtrati i lumit në mënyrë të papërgjegjshme, pa një kontroll dhe pa një monitorim nga ana e autoriteteve përkatëse, kur këto vijnë dhe jo më të gërmosh lumin, po këto vijnë për një tjegull dhe të arrestojnë, qoftë policia e shtetit, qoftë IKMT-ja apo të gjitha agjencitë e tjera ligjzbatuese”, tha Himçi.