Flash News

U procedua penalisht, reagon Flamur Noka: Preka interesat e mafies së pushtetit në Vorë

Kërkesa e PS për shtyrjen e orarit të votimit në Vlorë, dështon mbledhja e KQZ

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Ditari i Opozitës

Forcë e tretë në zgjedhje/ Si justifikohet Basha: 6 marsi ishte anomali e një anomalie. S'kam humbur asnjë garë në jetë

Politiko 7 Mars 2022, 11:43

Forcë e tretë në zgjedhje/ Si justifikohet Basha: 6 marsi ishte

Kryedemokrati Lulzim Basha ka reaguar për herë të parë, pasi PS fitoi tre bashki, ndërsa procesi i numërimit në tre bashkitë e tjera e nxjerr atë si forcë të tretë. Basha nuk e ka pranuar humbjen, por ka thënë se procesi zgjedhor ishte një anomali.

Basha nuk pranoi t’i përgjigjej në mënyrë direkte pyetjes së gazetarëve se a konfirmoi 6 marsi se Sali Berisha është lideri i vërtetë i demokratëve.

“Së pari dua që procesi të përfundojë. I bëj thirrje numëruesve që të vazhdojnë deri në fund. Së dyti e kam bërë të qartë. 6 Marsi ishte një anomali, anomali e një anomalie, ishte si zgjedhjet moniste të 30 qershorit 2019.

Katër kryebashkiakë monist. Kur nuk ka asnjë reflektim për anomalitë e tjera. Mendoj se shumica dërrmuese e shqiptarëve e kuptuan qartë nevojën për një reformë zgjedhore. Prandaj jemi në atë parlament. Kemi marrë një hap përpara duke detyruar krijimin e komisionit për reformën zgjedhore”, tha Basha.

I pyetur nëse do të japë dorëheqjen, duke qenë se kjo është humbja e disatë e tij në zgjedhje, Basha e mohoi. Ai e justifikoi humbjen me arsyetimin se PS kishte avantazh administratën. Basha hodhi akuza se bandat u përfshinë në procesin zgjedhor, ndërsa tha se pjesmarrja e ulët në votime ishte një mesazh i fortë.

“Gjithë konstatimet që mund të dëshironi të bëni sot janë e drejta juaj. Faktet janë këto, 30% e shqiptarëve kanë marrë pjesë në votime, administrata shtetërore është detyruar të marrë pjesë. Bandat janë përfshirë po ashtu. PD-së i janë mohuar komisionerët. Të gjitha këto zbehen para mesazhit që jep braktisja e procesit të 6 marsit”, u shpreh Basha.

Ky i fundit tha se nuk ka humbur asnjë garë, ndërsa përsëriti se PD është shpresa e shqiptarëve.

“Unë nuk kam humbuar asnjë garë në jetën time, po për këtë do të kemi kohë të flasim. Unë e kuptoj shqetësimin personal të atyre që e bëjnë për interesa personale. Lufta ime nuk është për fatin tim personal. Kushdo që më kërkon të braktis betejën time, që është tu rikthejmë shqiptarëve rikthimin tek demokracia në procesin zgjedhor dhe përshpejtimin e PD-së drejt kthimit te demokratët", tha Basha.

Të fundit