Flash News

Berisha komenton ‘flirtin’ Rama-Basha: Gili vili përditë, unë u riktheva për Shqipërinë Madhështore

“Pusho se do të shkër*** robtë”/ Alimadhi reagon pas shoqërimit me forcë nga policia: Më goditën si kriminel

Zbulohet një fole prostitucioni në Durrës, procedohen shtetas kineze dhe shqiptarë

Korçë/ Rrihet një punonjës karburanti gjatë natës

Gripi i shpendëve, gati 500 mijë pula të asgjësuara, rritet çmimi i vezëve në treg

Ditari i Opozitës

Sulmi i Ramës ndaj drejtueses së PD në degën 9, Garo: Fundi i këtij regjimi po të vjen nga gratë

Politiko 5 Prill 2025, 14:57

Sulmi i Ramës ndaj drejtueses së PD në degën 9, Garo: Fundi

Zëdhënësja e PD, Floriana Garo i është përgjigjur sulmit të kryeministrit Edi Rama ndaj drejtueses së PD të degës nr.9 Eda Grimci.

Në një video-mesazh, Garo shprehet se sulmi i Ramës është qartësisht pasqyrë e një modeli politik të dështuar. Zëdhënësja e PD shton se fundi i regjimit të Ramës po vjen nga gra e zonja të forta e me integritet.

“Dje ishte radha e një tjetër gruaje që të bëhej objekt i një sulmi verbal, agresiv dhe të ulët nga një kryeministër që, në vend të udhëheqë me dinjitet, zgjedh të fyejë dhe të poshtërojë.

Sulmi i Edi Ramës ndaj kryetares së degës 9 të Partisë Demokratike, znj. Eda Grimci, nuk është thjesht një devijim etik. Është një pasqyrë e qartë e një modeli politik të dështuar, që përpiqet të mbijetojë përmes përçarjes, frikës dhe nënçmimit, veçanërisht ndaj grave që guxojnë të jenë aktive në jetën publike.

Eda Grimci është një grua e zonja, një nënë, një qytetare e ndershme, dhe një demokrate që përfaqëson më së miri aspiratat e Njësisë 9 për ndryshim. Sulmi ndaj saj është sulm ndaj çdo gruaje që ka vendosur të mos heshtë më përballë padrejtësisë dhe arrogancës së pushtetit.

U bëj thirrje qytetarëve të refuzojnë këtë politikë përçarëse bullizimi. Mjaft më me patronazhizmin dhe talljet.

Mjaft më me një kryeministër që ka frikë nga gratë e zonja, të forta dhe me integritet.

Edi Rama, fundi i këtij regjimi nuk po vjen nga burrat që i sulmon ditë për ditë, por nga gratë që nuk do të mund t’i ndalosh dot më”, deklaroi Garo.



Të fundit