Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Sulmi kibernetik, Meta akuza Ramës: Është kryehakuesi i sistemit, ju imponoi bankave shërbimet online

Politiko 20 Shtator 2022, 13:06

Sulmi kibernetik, Meta akuza Ramës: Është kryehakuesi i sistemit,

Kryetari i Partisë së Lirisë, Ilir Meta, ka akuzuar kryeministrin Edi Rama se është ai që fshihet pas sulmit kibernetik dhe hakimit të të dhënave në sistem.

Në një deklaratë për mediat, Meta risolli në vëmendje daljen e të dhënave personale të votuesve të cilët u shfrytëzuan nga patronazhistët e PS-së gjatë zgjedhjeve të 25 prillit. Meta u shpreh se në kohë hakerimesh, Rama kërkoi që edhe bankat t’i kryenin shërbimet përmes portalit e-Albania, ndërsa kërkoi nga autoritete ligjzbatuese hetim të plotë dhe transparent.

“Dua të them se ridënojmë veprimet armiqësore të nxitura nga qeveria e Iranit kundër sistemit tonë. kërkojmë marrjen e masave të menjëhershme për të mbrojtur sistemin. Nuk mund të mos nënvizojë që në fillim se kryehakeruesi i këtij sistemi është Edi Rama. Kjo u provua botërisht nga dalja e të dhënave personave të gati 1 mln shqiptarëve para zgjedhjeve dhe përdorimi i tyre nga patronazhistët për qëllime të shantazhit elektoral. Rama në 6 maj 2022, kërkoi t’u impononte bankave kryerjen e shërbimeve nëpërmjet e-albania. Gjë që u refuzua prerë nga banka e Shqipërisë e banka të tjera. Kjo kërkesë e çuditshme vinte në një kohë hakerimesh. Ekspertët theksojnë që hakerat kanë depërtuar në të dhënat e shqiptarëve që në maj 2021, dhe janë kryer veprime të tjera hakërruese, tetor 2021, janar 202. Kërkojmë të bëhet transparencë e plotë se çfarë ka ndodhur realisht. Transparencë me planin e masave dhe garantimin e sigurisë së sistemeve. Prokuroria të bëjë urgjent një hetim të thelluar e serioz, për evidentimin e përgjegjësive të qeverisë e institucioneve të tjera”, tha Meta.

Të fundit