Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“IBAR mbeti në klasë”, Berisha: BE bllokon progresin e Shqipërisë pas vendimit të Ramës për Ballukun

Politiko 30 Mars 2026, 13:15

“IBAR mbeti në klasë”, Berisha: BE bllokon progresin e

Kreu i Partisë Demokratike, Sali Berisha, deklaroi se disa vende anëtare të Bashkimit Europian kanë bllokuar raportin IBAR për Shqipërinë, duke ndikuar drejtpërdrejt në procesin e integrimit të vendit.

Në një njoftim për shtyp, Berisha thekson se vendimi i qeverisë për të mos lejuar arrestimin e zëvendëskryeministres Belinda Balluku ka sjellë pasoja të menjëhershme, duke detyruar disa vende të BE-së të ndalin miratimin e raportit më të rëndësishëm për progresin e Shqipërisë drejt anëtarësimit.

Sipas tij, raporti IBAR – që vlerëson përparimin në sundimin e ligjit, sistemin gjyqësor dhe luftën kundër korrupsionit, veçanërisht në kapitujt 23 dhe 24 – nuk është miratuar, duke e lënë Shqipërinë në “vendnumëro”.

Berisha theksoi se pa miratimin unanim të këtij raporti nga vendet anëtare të BE-së, Shqipëria nuk mund të avancojë në procesin e mbylljes së kapitujve të negociatave.

“Shqipëria është e bllokuar dhe nuk ecën dot përpara”, u shpreh ai, duke shtuar se janë disa vende që kundërshtojnë hapur progresin e vendit pas, sipas tij, ndërhyrjeve të qeverisë në sistemin e drejtësisë.

Ai bëri gjithashtu krahasimin me Malin e Zi, për të cilin raporti IBAR është miratuar unanimisht, duke e cilësuar këtë si provë të diferencës në ecurinë e integrimit mes dy vendeve.

PJESE NGA FJALA

Ky vendim detyroi një numër vendesh anëtare të BE që të bllokojnë raportin më të rëndësishëm, de facto progresin drejt integrimit.
Raporti IBAR, apo raporti mbi vlerësimin e përkohshëm të standardeve, në të cilin vlerësohet përparimi në sundimin e ligjit, në sistemin gjyqësor, në luftën kundër korrupsionit, në dy kapitujt më themelorë të procesit të integrimit, kapitujt 23 dhe 24, në rastin e Shqipërisë, mbeti në klasë.
Për ata të cilët bëjnë fjalë se procesi vazhdon, mund të informoj çdo shqiptar se derisa vendet anëtare të BE të mos e miratojnë në mënyrë unanime raportin IBAR, Shqipëria nuk do mund të ecë përpara në mbylljen e kapitujve.
Kjo është e vërteta.
Pra, Shqipëria është e bllokuar, është në vendnumëro, nuk ecën dot përpara.
Dhe ky raport është unanim, do miratim unanim.
Pra, shqiptarët ta kenë të qartë se Edi Rama me vendimin që mori për të mbrojtur veten e tij duke bllokuar me parlament arrestimin e Lubi Ballukut, bllokoi de facto procesin e integrimit në BE.
Bëj këtë sqarim për mediat, me lutjen që ta përcjellin në mënyrë korrekte.
Këto janë shpjegimet dhe komentet që bënë përfaqësuesit e Komisionit Europian për radion Europa e Lirë, në mënyrë që qytetarët e Shqipërisë të mos mashtrohen nga propaganda e Edi Ramës, dhe ata të Serbisë nga propaganda e Aleksandër Vuçiç.
Por, e vërteta është se IBAR për Malin e Zi kaloi pozitivisht. U votua unanimisht raporti i standardeve.
Raporti IBAR për Shqipërinë, për shkak të kthimit mbrapa të Shqipërisë, nuk u votua dhe kërkon votim unanim.
Janë disa vende, jo një vend, që kundërshtojnë në mënyrë të prerë pas vendimit të Edi Ramës për të asgjësuar sistemin e drejtësisë.
Të marrim përpjekjet e Edi Ramës për të hequr dorë dhe për t’u anëtarësuar si vend anëtar i dorës së dytë jo me të drejta të plota në BE.
Dhe këtu, shqiptarët duhet ta dinë se në BE nuk ekzistojnë anëtarë të dorës së parë dhe të dytë. Sigurisht janë vendet kryesore që kanë peshën më të madhe, por e vërteta është se këto, në tryezën e vendimeve, ulen si të barabarta të gjitha vendet dhe asnjë nuk ulet si i dorës së parë apo dorës së dytë.
Për BE-në, nuk ekziston kuadër ligjor për anëtarësime të dorës së dytë.
Dhe për t’u miratuar ky kuadër ligjor, duhet të votojnë të gjitha vendet.
Pra, përpjekja Rama-Vuçiç është thjesht një përpjekje e turpshme për të cilën ata dëshmuan se janë të gatshëm të sakrifikojnë interesa kombëtare, dinjitetin kombëtar për pushtetin e tyre.
Dhe nuk ka pothuajse asnjë mundësi të pranohet si alternativë.
Nuk ekziston kuadër ligjor.
Por në rast se do ekzistonte një kuadër ligjor, Edi Rama mendon se me drejtësinë e kontrolluar prej tij, ai mund të përfitonte anëtarësimin si vend i dorës së dytë.
Jo absolutisht.
Sepse shteti ligjor dhe funksionimi i tyre janë kushte themelore për të qenë pjesë e BE.
Hiq votat nga ti, është puna jote, vetëposhtërim.
Zhvillo farsa elektorale, nuk pranohesh. Nuk ka shtet ligjor pa zgjedhje të lira.
Nuk ka shtet ligjor pa drejtësi të pavarur.
Nuk mund të jesh në hapësirën evropiane sepse interesat evropiane në këtë hapësirë janë të tillë.
Pra, edhe letra famëzezë Rama-Vuçiç është një dokument turpi i arkivuar në histori pa asnjë vlerë.