Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Imuniteti për Ballukun, Bardhi: Datën nuk e vendosën se nuk u ktheu përgjigje Rama

Politiko 19 Dhjetor 2025, 16:15

Imuniteti për Ballukun, Bardhi: Datën nuk e vendosën se nuk u

Pas mbledhjes së Këshillit të Mandateve dhe Imunitetit për kërkesën e SPAK mbi heqjen e imunitetit të zv.kryeministres Belinda Balluku, kreu i grupit parlamentar të Partisë Demokratike, Gazment Bardhi, deklaroi se mazhoranca nuk caktoi datën e mbledhjes së radhës për shkak se, sipas tij, kryeministri Edi Rama nuk kishte dhënë ende një qëndrim.
Bardhi akuzoi socialistët se po zvarrit procesin me qëllim për t’i dhënë kohë Ballukut, duke e cilësuar këtë sjellje si pengesë për drejtësinë dhe shkelje të rregullores së Kuvendit.

“Dua të sqaroj qëndrimin e anëtarëve të opozitës. Nëse do të ishte respektuar qëndrimi ynë, ju do të ishit në dijeni njësoj si për këtë mbledhje, ashtu edhe për atë se kur është caktuar mbledhja tjetër. Kemi kërkuar, sipas rregullores, që mbledhja e sotme të ishte transparente dhe e hapur, sigurisht duke lënë të mundur opsionin që sa herë që prokuroria do të çmonte se duhet të informonte anëtarët e Këshillit për një çështje që cilësohet sekret hetimor, media të largohej.

Kjo kërkesë nuk u mor në konsideratë. Sot nuk kemi diskutuar asnjë çështje që përbën sekret hetimor. Jemi marrë vetëm me procedurë. Kemi diskutuar nëse deputetët kanë apo jo të drejtë të kenë të plotë materialin e sjellë nga SPAK-u. Sipas ligjit, secili anëtar duhet ta ketë të plotë USB-në e famshme që Peleshi e kishte kyçur në kasafortë.

Dhe sot u zbulua edhe skenari pse e kishte kyçur. Kjo ishte bërë për t’i dhënë alibinë Ballukut, për të kërkuar shtyrjen e mbledhjes, me pretendimin se nuk ishte e përgatitur, dhe kështu të shtyhej mbledhja.

Rama nuk e ka vendosur ende se çfarë do të bëjë me Ballukun dhe po i jep kohë vetes. U bënë aq qesharakë, sa kërkuan që mbledhja e radhës të jetë pas një muaji. Prokurorët e Posaçëm, të cilët dua t’i falënderoj për profesionalizmin, bënë të qartë se kjo është një çështje e ngushtë dhe çdo vonesë mund të rrezikojë provat. Kërkuan 20 minuta pushim për të diskutuar datën. Kryetari u kthye dhe tha se për datën do t’ju njoftojë një herë tjetër. Kuptova që, në këto 20 minuta, Rama nuk i ishte përgjigjur. Kuvendi po bëhet pengesë për drejtesine, po i jep kohë Ballukut të prishë provat ”, tha Bardhi.

Të fundit