Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Opozitës

Inceneratorët/ Balliu nga Njësia 8: Plehrat mbysin Tiranën, qeveria iu jep të shpallurve në kërkim 80 mijë euro çdo ditë

Politiko 12 Gusht 2022, 11:30

Inceneratorët/ Balliu nga Njësia 8: Plehrat mbysin Tiranën,

Shefi i Organizimit në Partinë Demokratike, Klevis Balliu ka ngritur sërish shqetësimin se pagesat e larta në llogari të kompanive koncesionar evijojnë çdo ditë edhe pse administratorët e tyre janë në kërkim.

Në një deklaratë nga Njësia 8, ai bëri me dije se Klodian Zotos dhe Stella Gugalljas po u jepet 80 mijë euro çdo ditë për inceneratorë që nuk ekzistojnë, teksa shtoi se lagjet e kryeqytetit janë të ndotura dhe mbeturinat grumbullohen në rrugë.

Ndërsa theksoi se këto para mund të përdoreshin për punë publike në Tiranë, Balliu ngriti pyetjet:

-Meqë 28 milion euro, siç duket nga pamjet, nuk shkojnë për djegien e mbeturinave të banorëve të kryeqytetit, ku përfundojnë ato?

-A kemi të drejtë të themi se, nëse me një shumë të caktuar të parave publike nuk bëhen punë publike, ato vidhen?

-Nëse vidhen, a kemi të drejtë të dyshojmë se, ato ndahen mes atyre në llogaritë e të cilëve këto para kalojnë dhe atyre që i lejojnë këto disbursime?

-Këto plehra që shihni pas nesh, a mendoni se dëmtojnë shëndetin e qytetarëve, sidomos në një stinë të nxehtë si kjo? Pse nuk vjen Incenerjoni i Bashkisë këtu dhe të japë llogari, por shet dëngla propogandistike Facebook më Facebook?

-Dhe, e fundit, çfarë pret SPAK që nuk bllokon produktet e krimit? Nga kush ka frikë? Pse?

Edhe banorët e rrugës "Ibrahim Buzhiqi" ngritën shqetëismin e mbetjeve, ndërsa thanë se nuk kanë marrë zgjedhije nga bashkia.

“Kemi këto mbetje prej dy vitesh të hedhura këtu. Jemi ankuar disa herë në Bashki, dhe nuk kemi asnjë sqarim. Kohët e fundit na dërguan edhe një letër për t'u paraqitur tek Mini Bashkia Nr.8, u paraqitëm dhe na thanë që do të gjobiteni ose do të pastroni plehrat. Të gjithëve neve këtu na vijnë tek shtëpi era e keqe e mbetjeve, plehrave. Këto shtohen çdo ditë, sepse të gjithë këtu i hedhin”, tha një prej banorëve.

 

Të fundit