Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

Ditari i Opozitës

Inceneratorët/ Këlliçi: Me informacionet që ka SPAK, e pamundur që Veliaj të mos merret i pandehur

Politiko 17 Qershor 2024, 21:52

Inceneratorët/ Këlliçi: Me informacionet që ka SPAK, e

Anëtari i kryesisë së Partisë Demokratike, Belind Këlliçi ka komentuar lidhur me faktet e reja që ka depozituar në SPAK kundër Veliajt për të cilat tha se lidhen me çështjen e inceneratorit të Tiranës.

I ftuar në MCN, ai tha se me 38 euro që propozonte banka botërore merrte përsipër të bënte të gjithë zinxhirin e mbetjeve, ndërsa ajo që ndodh sot është se me 29 euro për ton Veliaj i paguan për inceneratorin fantazmë, faturë që shkon 12 mln euro në vit dhe që sot ne paguajmë 2.7 miln euro më shumë.

Sipas tij, në bazë të gjithë informacioneve që ka dhe që janë depozituar në SPAK është e pamundur që Erion Veliaj të mos merret i pandehur.

"Kam depozituar zyrtarisht me firmë dhe vulë në emër të PD dhe timin informacion shtesë lidhur me inceneratorin e Tiranës. Bëhet fjalë për studimin e plotë të IFC dhe Bankës Botërore të vitit 2014 të cilin Veliaj e ka zhdukur nga protokolli zyrtar i bashkisë dhe çdo institucioni tjetër publik, e kemi kërkuar këtë dokument dhe se kemi gjetur.

Kjo ka ndodhur sepse ky dokument ka shërbyer si pikënisje e koncesionit për mbetjet. Propozimi që ka bërë banka botërore propozonte që me 38 mln euro për tonë të kryhej i gjithë zinxhiri i pastrimit të Tiranës ku përfshihej pastrimi i rrugës, mbledhja e mbetjeve, zgjerimi i landfillit dhe trajtimi i landfillit.

Veliaj e merr këtë propozim dhe e flak në kosh dhe firmos vetë koncesionin për inceneratorin e Tiranës duke i dhënë me një tarifë 29 euro për ton ku përfshihet vetëm depozitimi i mbetjeve në landfill dhe shkonte studio më studio duke rrahur gjoksin dhe duke thënë se PD e kishte me 38 dhe unë po e bëj me 29.

Me 38 euro banka botërore merrte përsipër të bënte të gjithë zinxhirin, ndërsa ajo  që ndodh sot është se 29 euro për ton Veliaj i paguan për inceneratorin fantazmë dhe kjo faturë shkon 12 mln euro në vit dhe fatura totale shkon 30 mln euro në vit për të gjithë zinxhirin. Ne sot që flasim paguajmë 2.7 miln euro më shumë.

Kjo nuk është një padi e re, por është informacion shtesë mbi faktet penale. I gjithë procedimi vijon mbi padinë e bërë që në fillim, unë kam çuar në mos gaboj kjo është hera e tetë që shtoj informacione shtesë, por të gjitha lidhen me çështjen e inceneratorit. Pra është informacion zyrtar që i shkojnë SPAK, prova të reja por për të njëjtën çështje të inceneratorit.

Si dëshmitar e kanë thirrur dhe e kanë mbajtur 8 orë, por si person të pandehur në gjykimin tim bazuar në faktet dhe provat e depozituara në SPAK është e pamundur që SPAK të mos marrë të pandehur Veliajn për inceneratorit dhe 5D. Përfshirja e Veliajt është e  drejtpërdrejtë", u shpreh ai. 

Të fundit