Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Inceneratorët/ Kryemadhi: Ministrja e Financave pranoi evazionin fiskal të 500 kompanive, është shkelur Kodi Penal

Politiko 8 Korrik 2022, 11:30

Inceneratorët/ Kryemadhi: Ministrja e Financave pranoi evazionin fiskal

Kryetarja e LSI-së Monika Kryemadhi në një konferencë për mediat pak më parë, deklaroi se ministrja e Financave Delina Ibrahimaj, pranoi dje nga foltorja e Kuvendit evazionin fiskal të kryer nga 500 kompani të lidhura me inceneratorët.

Kryemadhi iu drejtua ministres duke e pyetur nëse është kryer ndonjëherë auditim për te inceneratorët lidhur me deklarimin e të ardhurave për të parë nëse ka apo jo shkelje.

“Ministria dje pranoi se qenkan 500 kompani të tilla, me disa që janë dënuar dhe disa jo. Por unë kam një pyetje! A ka audituar ndonjëherë Ministria e Financave inceneratorët e Fierit, Elbasanit, apo Tiranës. Nëse që prej 2015 këto kompani janë hetuar për shkelje në deklarimin e të ardhurave”, tha ajo.

Teksa iu drejtua kryeministrit Rama dhe kryebashkiakut të Tiranës Erion Veliaj të cilin e quajti ‘avokat’ i inceneratorëve, Kryemadhi tha se janë shkelur 4 pika të Kodit Penal në çështjen e evazionit fiskal, përfshirë edhe skemat mashtruese dhe Klddian Zoton.

“Meqenëse inceneratori i Tiranës na doli menjëherë e foli së bashku me avokatin e inceneratorit, Erion Veliaj. Unë kam një pyetje për ta edhe Edi Ramën që është pronari i vërtetë i inceneratorit të Tiranës, pse keni frikë, pse nuk flisni për inceneratorin dhe investimet që keni bërë. Sot qytetarët e Tiranës dhe gjithë Shqipërisë paguajnë për investimin 128 milionë euro, me të vetmin kusht që është 29 lekë për ton. Nëse ky investim do të ishte i ndershëm Edi Rama dhe avokati i inceneratorit të Tiranës nuk do të kishin frikë të bënin transparencë. Transparencë po kërkojmë. Ajo që dua të kujtoj është se në çështjen e tmerrshme te evazionit fiskal, janë 4 pika të kodit penal që janë shkelur, ku përfshihet Klodian Zoto dhe gjithë skema mashtruese për të grabitur buxhetin e shtetit. Ulin pensionet, shërbimet në arsim, pagat e administratës publike për të financuar inceneratorët. Janë katër pika të kodit penal për këtë çështje:  Neni 180 i kodit penal, fshehje e të ardhurave; neni 181 për mosdeklarim të të ardhurave; neni 181 (pika a) Këto pika nxjerrin evazioni fiskal që është kryer me inceneratorët”, deklaroi Kryemadhi.

Të fundit