Flash News

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

Helmimi i fëmijëve në Gramsh, autoritetet shëndetësore reagojnë pas publikimit të rastit

Ditari i Opozitës

Inceneratorët, Rudina Hajdari: Rama të hetohet, është test i madh edhe për SPAK

Politiko 6 Korrik 2022, 22:09

Inceneratorët, Rudina Hajdari: Rama të hetohet, është test i

Ish-deputetja Rudina Hajdari komenton çështjen e inceneratorëve, duke deklaruar se këto kompani sipas saj fiktive kanë marrë 48 milionë euro në këto vite nga buxheti i shtetit.

E ftuar në emisionin “Arnautistan” në MCN, Hajdari akuzon mazhorancën se po vjedh për të pasuruar veten dhe një grup njerëzish afër tyre, ndaj i ka bërë thirrje SPAK që të hetojë lidhur me këto akuza.

Hajdari tha se ky do ishte test shumë i madh për SPAK.

“Çdo ditë këto kompani fiktive paguhen nga buxheti i shtetit. Ku është Drejtoria e Tatimeve? Ku është policia në këtë mes? Nëse bën ndërtim pa leje i ke policët te dera e qytetarit të thjeshtë.

Ti bën gjithë këto transaksione, një kompani blen fruta ekzotike dhe shet beton, Drejtoria e Tatimeve çfarë ka bërë, ndërkohë që është bërë evazion fiskal. Si kanë operuar këto kompani?

Është shumë  qartë se kjo skemë korruptive ka pasur shkelje syri nga institucionet e larta përfshi dhe Kryeministrin. Nëse nesër thotë se nuk ka pasur dijeni, Kryeministri jo vetëm duhet të dorëhiqet, por edhe duhet të hetohet.

Armën më të fortë në momentin që nxirret diçka kundrejt tij, e ka të luftojë. Futet në sulm duke menduar se mbrohet. SPAK e ka për detyrë të hetojë me imtësi se çfarë ka ndodhur.

Unë mendoj se janë lekë pushtetarësh që janë duke u strehuar në parajsa fiskale. Që kur mos të jenë aty, të jetojnë si lordë dhe sheikë, ndërkohë që kanë zhvatur buxhetin e shtetit. Është test shumë i madh për SPAK.

Nëse nuk ka rezultate reale është e kotë që kemi një strukturë të tillë, çfarë është zbuluar kohëve të fundit duhet të ketë tërheqje veshi ndaj Kryeministrit Rama qoftë edhe nga trupi diplomatikë, se strukturat e tij janë të përfshira në këtë aferë.

Nuk duhet të presim vetëm SPAK. Të funksionojë sistemi i drejtësisë. Non grata është sistem taktik demokratik, e cila vjen kur je një njeri i padëshiruar në një shtet të caktuar.

Nëse ka fakte të tilla për zotin Berisha, pres që drejtësia të veprojë dhe nëse ka vendim gjyqësore nuk do respektohej pastaj si kryetar i PD”, tha Hajdari.

Të fundit