Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Indrit Hoxha i përgjigjet Alibeajt: Jam futur në zgjedhje për t’i luftuar bandat që kanë zaptuar Vorën

Politiko 14 Prill 2023, 17:31

Indrit Hoxha i përgjigjet Alibeajt: Jam futur në zgjedhje për

Kandidati i opozitës për bashkinë e Vorës, Indrit Hoxha i është përgjigjur deklaratës së Enkelejd Alibeaj.

Ky i fundit u shpreh se nuk ka nxjerr kandidat në këtë bashki për shkak të bandave majtas dhe djathtas.

Hoxha shprehet se kandidatura e tij në Vorë është bërë pikërisht për të luftuar bandat që kanë zaptuar Vorën dhe e kanë kthyer në simbol të krimit të pushtetit lokal të Edi Ramës.

Gjëja e parë që do të bëj më 15 maj thotë Hoxha është kthimi në ligjshmëri dhe dekriminalizimin e Bashkisë Vorë.

“Sot Enkelejd Alibeaj është shprehur se në Vorë nuk paska nxjerrë kandidat, për shkak të bandave majtas dhe djathtas. E vërteta është se kandidatura ime në Vorë është pikërisht për të luftuar bandat që kanë zaptuar Vorën dhe e kanë kthyer në simbol të krimit të pushteti lokal të Edi Ramës.

E vërteta është se në Vorë të gjithë demokratët janë bashkuar si kurrë më parë për të larguar krimin nga Bashkia Vorë. E vërteta është se demokratët, të cilët dua ti falenderojë nga zemra, u bashkuan dhe lanë interesat individuale për një qëllim: Largimin e krimit dhe bandave nga Vora. E vërteta është se kandidatura ime ka shqetësuar bandat e Vorës sepse e kanë shumë të qartë se pushteti i tyre më 14 maj merr fund dhe bashkia i kthehet qyetetarëve. Unë jam kandidati i të gjithë demokratëve dhe njerëzve të ndershëm e punëtorë të Vorës.

Kurrë në jetën time s’kam pasur të bëjë me krimin. Përkundrazi, e kam denoncuar dhe akuzuar në çdo dalje time publike, madje me fakte, dhe kam ngritur akuza penale kundër tyre. Gjëja e parë që do të bëj më 15 maj është kthimi në ligjshmëri dhe dekriminalizimin e Bashkisë Vorë, në të mirë të njerëzve të Vorës dhe interesit të përbashkët. Unë do të kem vetëm banda muzikore në fushatë dhe në qeverisjen e Vorës, ansjë lloj bande tjetër. Të gjithë bashkë më 14, për të larguar korrupsionin dhe krimin nga Bashkia Vorë”, shkruan Indrit Hoxha.

Të fundit