I injoroi '5 pikat' dhe e akuzoi për propagandë me pandeminë, Basha-Ramës: Kolapsi, përgjegjësi e keqmenaxhimit! Nëse nuk të pëlqen, problem për ty

Në foto: Kreu i Partisë Demokratike, Lulzim Basha

Kreu i Partisë Demokratike, Lulzim Basha, në një prononcim për shtyp pas vizitës së tij në Shkodër është shprehur se ky qytet është braktisur nga qeveria.

Sipas Bashës, sektori i shëndetësisë, dhe sidomos në Shkodër gjendet në një situatë të vështirë pasi nuk është dhënë asnjë ndihmë nga qeveria.

“Në Shkodër, numri i infektimeve të raportuara është shumë i lartë dhe përballja në vijën e parë të frontit, nga mjekët e familjes dhe spitali i Shkodrës, po bëhet vetëm përmes sakrificës së mjekëve”, tha Basha.

“Jam i trishtuar nga ky realitet që gjej në Shkodër sa herë që vij. Edhe në situatë pandemie, qeveria ka braktisur Shkodrën dhe shkodranët.

Dje kemi pasur një rekord të vdekjeve që kur ka nisur pandemia. Shifrat e vërteta janë edhe më të këqija. Shifrat që fshihen nga Rama janë edhe më të këqija.

Në këtë situatë do të duhet të merreshin të gjitha masat, pasi shëndeti i qytetarëve është tepër i rëndësishëm.

Cmimet janë rritur, papunësisa dhe varfëria është shtuar. Pamundësia e familjeve dhe bizneseve shkodrane është evidente. Kësaj situate i jepet përgjigje me vetëm me veprime të vendosura për të ardhur në ndihmë sipërmarrjeve dhe bizneseve për të mos larguar nga vendi i punës punonjësit.

Duhet t’i vihet në ndihmë çdo sektori, sektorit të shëndetësisë në veçanti sepse këtu në Shkodër numri i infektimeve të raportuara është shumë i lartë dhe përballja në vijën e parë të frontit që janë mjekët e familjes dhe spitali i Shkodrës po bëhen vetëm nga sakrifica e mjekëve. Nuk ka asnjë ndihmë nga qeveria.

Kjo gjendje kolapsi është përgjegjësi e keqmenaxhimit të krizës”, tha Basha.

Referuar “injorimit” nga Rama të propozimeve të PD për daljen nga kriza, por edhe akuzave të qeverisë se opozita po bën propagandë me pandeminë, Basha shprehet se “këto janë problematikat reale të shqiptarëve dhe nqs Ramës nuk i pëlqen, ky është problemi i tij”.

“Nqs të kërkosh që paratë të mos shkojnë për inceneratorët dhe korrupsionin qeveritarë, por të shkojnë për shëndetësinë, për mjekët, infermierët, për spitalet, të shkojnë për familjet që kanë humbur të ardhurat, të shkojnë për të papunët që kanë humbur biznesin... Nqs kjo nuk i pëlqen kryeministrit, ky është problemi i tij dhe vetëm i tij. Këto janë problematikat reale të shqiptarëve.

Në asnjë moment nuk jam  këtu për t’i bërë qejfin Edi Ramës. Do bëj gjithçka për të ndihmuar vendin dhe qytarët në këtë moment të vështirë. Dhe jam i bindur se propozimet tona kanë gjetur mbështetje jo vetëm tek qytetarët, por edhe nga vetë socialistët, që ndihen po kaq të braktisur dhe të lënë pas dore.

Ne kemi dhënë propozime për t’iu ardhur në ndihmë njerëzve. Rama mundohet më kot të sulmojë opozitën e cila ka bërë detyrën e saj, edhe duke denoncuar fakte tronditëse, por edhe duke ofruar zgjidhje”, tha Basha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm