Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Intervista e Ahmetajt, Teliti: Krahu i djathtë i Ramës hoqi maskën e qeverisë së korruptuar

Politiko 3 Shkurt 2024, 17:03

Intervista e Ahmetajt, Teliti: Krahu i djathtë i Ramës hoqi

Anëtari i Këshillit Kombëtar të PD, Dorian Teliti u shpreh se ish-zv. Kryeministri Arben Ahmetaj në intervistën e fundit konfirmoi ato ç’ka opozita ka denoncuar me vite, duke i hequr maskën qeverisë së korruptuar të Edi Ramës.

Në një lidhje me Skype, Teliti tha se këto deklarata, të ardhura nga një person brenda sistemit, tregojnë qartë një sistem të kalbur.

"E kemi thënë me zë, me figurë në qindra raste që pas inceneratorit të Tiranës është kryeministri dhe kryetari i Bashkisë. Ajo që u dëgjua nga goja e ish-zv.kryeministrit, ish numri 2 i qeverisë, ish-ministri i financave, ish-ministri i ekonomisë, i rindërtimit, ish-ministri i krizës, krahu i djathtë i Ramës për 7-8 vite rresht ishte thjeshtë vërtetimi nga goja e një përfaqësuesi të mazhorancës, të akuzave që bëri opozita dhe vazhdon të bëjë opozita prej vitesh tashmë.

Nxori edhe pronarë të tjerë që ne nuk i dinim që ekzistonim. Krahu i djathtë i Edi Ramës hoqi maskën e kësaj qeverie të korruptuar, klienteliste që ka vjedhur dhe vazhdon të grabisë pasuritë tona, paratë tona, të ardhmen dhe mirëqenien tonë. Janë deklaratat e krahur të djathtë të Edi Ramës, nuk janë as të Arnoldit, as të Dorianit e as të askujt tjetër.

Kur deklarata vjen nga brenda sistemit ti kupton se sa i kalbur është ky sistem, jo thjeshtë i korruptuar dhe klientelist  por tashmë është kalbur dhe po hanë kokat e njëri tjetrit", tha Teliti.

Të fundit