Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Investigimi për mbetjet, PL thirrje Veliajt: Jep shpjegime për inceneratorin e Tiranës

Politiko 21 Janar 2023, 14:21

Investigimi për mbetjet, PL thirrje Veliajt: Jep shpjegime për

Partia e Lirisë i ka kërkuar kreut të bashkisë së Tiranës që të japë shpjegime për inceneratorin e Tiranës, pas survejimit për 180 ditë, nga ku rezultoi se në Sharrë mbeturinat nuk përpunohen, ndonëse takspaguesit shqiptarë paguajnë 29 euro/ton.  

Kreu i Komisionit të Mjedisit dhe Turizmit në Partinë e Lirisë, Roni Telegrafi tha në një deklaratë për mediat se Veliaj duhet të japë shpjegime pasi Bashkia është institucioni përgjegjës për ndjekjen e kësaj kontrate.

Deklarata e plotë:

Partia e Lirisë ka ngritur në një nivel të ri standardin e transparencës për punët publike dhe kontratat koncesionare të qeverisë shqiptare.

Me akuza të bazuara në fakte dhe jo në sulme politike.

Në një investigim 6 mujor, përmes pamjeve filmike dhe me dron, u kemi bërë publike të gjithë qytetarëve, situatën e vërtetë se çfarë ndodh me koncesionin e inceneratorit të Tiranës.

Aty plehrat vetëm groposen, nuk trajtohen, nuk diferencohen, nuk riciklohen. Ndërkohë pagesat nga taksat e qytetarëve është e plotë, 29 €/ton, sikur të gjitha proceset e marra përsiper nga kompania të kryheshin.

E gjjthë Shqipëria e ka parë mashtrimin dhe vjedhjen e madhe. Por, asnjë shqiptar nuk ka dëgjuar ende një reagim nga qeveria shqiptare, nga Bashkia Tiranë, apo një institucion tjetër në lidhje me këtë situatë skandaloze me inceneratorin e Tiranës.

Bashkia Tiranë është institucioni përgjegjës për ndjekjen e kësaj kontrate, ndaj ne jemi këtu sot, duke i kërkuar publikisht kryetarit të bashkisë, Erion Veliaj të japë shpjegime në lidhje me inceneratorin e Tiranës.

Saktësojmë, se Partia e Lirisë nuk është kundër pastrimit të qytetit. Por, ne jemi kundër vjedhjes së përditshme dhe mashtrimit të përditshëm që iu bëhet qytetarëve. Deri më sot jane paguar 54 milionë dollarë, të cilat janë para të djersës së shqiptarëve dhe duhet të gjithë të bëjmë çdo gjë, që mundi i shqiptarëve të mos shkojë në financim të veprave korruptive.

Të fundit