Flash News

Helmimi i fëmijëve në Gramsh, PD: Kompania e dënuar për korrupsion, vazhdon e fiton ende tendera

E rëndë në Tale të Lezhës! Ekzekutohet në oborrin e banesës 57-vjeçari

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Ditari i Opozitës

"Ishte një burrë vigan", Berisha: Nderojmë sot Anastas Janullatos, kontributin e tij të jashtëzakonshëm

Politiko 20 Prill 2025, 11:20

"Ishte një burrë vigan", Berisha: Nderojmë sot Anastas

Në vizitën e kryer këtë të diel për kremtimin e Pashkës në Kavajë, kreu i PD, Sali Berisha vlerësoi figurën dhe kontributin e imzot Anastas Janullatos, duke e cilësuar atë si një prej personaliteteve më të shquara të besimit, dijes dhe përkushtimit në shërbim të Shqipërisë.

Berisha theksoi se Janullatosi ishte një “burrë vigan dhe meshtar vigan”, i cili me përkushtim të rrallë e ngriti nga hiri Kishën Ortodokse Autoqefale të Shqipërisë, duke fituar respektin dhe dashurinë e besimtarëve shqiptarë.

Berisha: At Jani!
Kërkesë shumë e drejtë dhe komunitet vllah, arumunët janë një komunitet historik, një histori me bashkëpunimin më të shkëlqyer me shqiptarët. Me kontributin më të madh në Rilindjen Kombëtare.
Janë penat dhe mendjet e tyre, ato që kanë një kontribut thelbësor në rilindjen tonë.
Ky komunitet ka një kontribut tjetër të jashtëzakonshëm në pavarësinë kombëtare, sepse në fakt ishte komuniteti i tyre në Bukuresht, që Ismail Qemalin e bindi se duhej të shpallej pavarësia pa asnjë protektorat tjetër dhe ka ndenjur aty disa ditë.
E jo vetëm kaq, por për koincidencën e kohës, kryeministri rumun i asaj kohe ishte me origjinë nga Voskopoja dhe ai i dha Ismail Qemalit çekun me gjysmë milionë franga ar.
Ai u nis nga Komiteti Stambollit, por e kishin pasigurinë se dalja jashtë ombrellës së perandorisë mund të na vërsuleshin, por Austro-Hungaria, se ajo u bë mbështetësja e vetme reale e pavarësisë tonë, dhe ky komunitet me njerëz të shquar, figura të shquara në Bukuresh dha një kontribut thelbësor.
Por të kthehemi tek i Kavajës, i ka dhënë gjeniun e të gjitha kohërave të skenës botërore, Aleksandër Moisiun.
Në fakt, e thashë dhe më parë, po të shkojmë në Frashër rrënjët i kemi të përbashkëta aty. Po të lexoni Sami Frashërin, vetëkuptohet se çfarë simbioze, harmonie ka mes shqiptarëve dhe komunitetit arumun.
Ndaj dhe kjo që kërkon At Jani, duhet ta plotësojmë dhe mundësisht ku të plotësohet të më ftoni dhe mua të jem i pranishëm se, ky komunitet e meriton ti nderojmë me më shumë, sepse Kavajës i takon.
Ndonjëherë, pse del dikush prej nesh sikundër nuk duhet, Enver Hoxha nuk ishte vllah, shqiptar, por edhe një Enver Hoxhë tjetër del si puna e tij, këto janë punët e Zotit.
Ju siguroj dhe kam patur edhe ruaj konsideratën më të lartë për udhëheqësin e Kishës Autoqefale Shqiptare, Anastas Janullatos, kontributin e tij të jashtëzakonshëm.
Ai ishte një burrë vigan, ai ishte një meshtar vigan.
Ai e nisi misionin në kushtet më të vështira se kushdo tjetër, por nuk u mposht kurrë për të mbetur një misionar dhe për tu nderuar sot e gjithë kohërat për atë kontribut të jashtëzakonshëm që ka dha në ngritjen e kishës Ortodokse Autoqefale të Shqipërisë.
Që në fillim, imzot Anastas Janullatos, pushtoi zemrat e besimtarëve shqiptarë, respektin e madh të tyre dhe ngriti kishën nga hiri, e ngriti atë me të gjithë infrastrukturën e saj, me të gjithë veprimtaritë e saj dhe ai u nda nga jeta si një misionar i madh, që i bëri nder kishës, Zotit, por dhe kombit shqiptar.
Kështu që ne mbetemi gjithnjë borxhli dhe mirënjohës ndaj kontributit të tij.
Ai i meritonte të gjitha nderimet dhe vlerësimet, sepse ai ishte një burrë vigan, intelektual vigan. Ishte një akademik që nderonte Shqipërinë, kishën.

Të fundit